KAHIT anong sabi niya na ‘wag mag-alala si Becca ay hindi pa rin nito maiwasan. Napapangiwi na lamang siya sa tuwing na kinukurot siya nito sa tagiliran.
“Kung gusto mong magpakamatay ay sabihin mo lang at ako na mismo ang papatay sayo,” wika nito sa kanya. Hindi pa rin maipinta ang mukha nito. “Hindi mo alam ang pakiramdam na matakot,” irap pa nito sa kanya.
“Alam ko naman ang ginagawa ko,” sagot niya pa. Kasama niya ngayon si Becca sa kanyang opisina samantalang si Ezekiel at ang amang si Apollo ay lumabas muna upang bigyan sila ng pagkakataong makapag-usap.
“Kung alam mo ay bakit ka nabaril? Paano kung wala kang bulletproof? Sugod ka kasi ng sugod,” wika pa nito sa kanya.
Upang matigil ito ay siniil niya na lang ng halik pero itinulak siya ni Becca.
“Hindi mo ako madadaan sa halik
