KAHIT NAG-AALALA ay walang nagawa si Becca kundi ang sumabay kay Ezekiel at Tito Apollo. Hanggang ngayon ay nasa isipan niya pa rin ang balitang nakarating sa kanya na binaril daw si Hunter sa dibdib kung kaya naman nagmamadali silang pumunta sa ospital, iyon naman pala ay wala doon ang lalaki. Hindi nito alam ang kaba na nadarama niya kanina. Kung ano-ano na nga ang naiisip niya kanina at hanggang ngayon ay ramdam niya pa rin ang panginginig ng katawan.
“Kilala ko si Hunter, Becca. Kaya niyang protektahan ang kanyang sarili. Hindi siya makakpayag na maisahan siya ng kanyang kapwa,” wika ni Ezekiel sa kanya. Ito ang nagmamaneho ng sasakyan.
“Hindi ko lang talaga maiwasang na hindi mag-alala lalo pa at hindi naman natin masasabi ang aksidente,” sagot niya. “Kilala ko si Hunter mga bata pa
