PARANG DINUDUROG ang puso ni Becca habang nakatitig siya sa mukha ni Hunter. Ibang-ibang Hunter na ang kanyang kaharap ngayon. Punong-puno ng pag-ibig ang mga mata nito. Ramdam niyang mahal na mahal siya ni Hunter. Kaytagal niyang pinanabikan ang pagmamahal nito.
Pilit niyang pinipigilan ang sarili na 'wag maiyak. Hinahalikan ni Hunter ang kanyang mga kamay habang umiiyak. Kitang-kita niya sa mga mata nito ang paghihirap ng loob. Ang pananabik sa kanya.
"Bakit ngayon lang Hunter? Bakit ngayon mo lang ako minahal? Kaytagal kong naghintay, umasa sa pagmamahal mo. Bakit ngayon pa na komplikado na ang lahat? Nakatali na ako kay Samuel. Pag-aari niya na ako," pagkakausap niya sa sarili habang pinagmamasdan ang lalaki.
"Angeline," tawag ni Hunter sa kanyang pangalan. Nakatitig na ito sa kany
