Hunter’s pov
PAKIRAMDAM NI HUNTER ay sakit ng ulo ang hatid sa kanya ni Patricia. Hindi niya maintindihan ang ginagawa nito. Alam niyang may gusto ito sa kanya noon pa man pero hindi niya akalain na hanggang dito ay susundan siya nito. Ayaw niyang dahil sa babae ay mag-away sila ni Becca. Ayaw niyang pagmulan ng kanilang pag-aaway si Patricia dahil wala naman siyang ugnayan sa babae, kaya ganoon na lamang ang nerbiyos niya kanina nang malaman niyang ito ang kanyang kayakap at hindi si Becca.
“Buking ka kanina,” wika ni Ezekiel na nasa likuran niya pala. Umiinom siya ng kape mga oras na iyon at malalim ang iniisip.
Napakunot ang kanyang noo na napatitig sa kapatid.
“At bakit naman ako mabubuking? Wala naman akong ginagawang masama,” sagot niya rito.
Humila ng upuan si Ezekiel at tumabi
