Dark Chest

Dark Chest Chapter 7

"Ariane." Banggit ko sa pangalan ng babaeng kakarating lamang at may magulong buhok at punit-punit na mga damit. Ano ba ang nangyayari sa babaeng ito.ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

Nag-aalala akong lumapit sa kaniya atsaka tinignan ang kaniyang buong katawan. Napakarami nitong galos at karamihan din sa kaniyang sugat ay sobrang lalim. Sabi nila ay lang araw na rin simula noong labanan namin pero bakit hindi yata kapani-paniwala itong nangyayari? Impossible kasi na manatiling ganito si Ariane, ilang araw na ba ang nagdaan?ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

"Ano ba ang nangyayari sa iyo?" Tanong ko at sinimulan na itong gamutin. Itinaas ko ang aking kamay patungo sa kaniyang katawan. Hinaayan ko muli ang enerhiya sa aking katawan na dumaloy patungo sa gitnang bahagi ng aking katawan hanggang sa mapunta ito sa aking palad, "Farmakeftikós."ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

Lumabas ang napakalaking magic circle sa itaas ni Ariane at hindi nagtagal ay nawala na rin ang mga sugat nito. Nakahinga nang maluwag si Ariane ng makitang wala na ang kaniyang mga sugat. Agad ako nitong niyakap at hinaplos ang aking buhok. ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

Pakiramdam ko ay suking-suki ako sa mga yakap ngayon. Hindi naman sa ayaw ko pero medyo masakit din kasi ang katawan ko. Kaya kong pagalingin ang ibang tao pero nahihirapan akong pagalingin ang sarili kong katawan. Sa tingin ko ay dahil ito sa maling paggamit ko ng aking mga enerhiya.ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

"Masaya ako at gising ka na. Sigurado akong matutuwa ang ina mong masungit,"sabi ni Ariane at kumalas sa yakap naming dalawa, "Pero seryoso, hindi ko inaasahan na muli kitang makikita."ㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

"Pinapatay mo na yata ako eh,"sabi ko at napapailing na lang, "Oo nga pala. Kanina ko pa napapansin. Asan na sila ina at ama?"ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

"May inaasikaso pa sandali. Hindi pa yata nila alma na gising ka na kaya hindi nila ito minamadali,"paliwanag ni Ariane.ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

"Ganoon ba." ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

"Oo. Kaya hali ka na at kumain na muna, sigurado akong hindi ka makakakain sa oras na magsimula ang kasiyahan na ito,"aya nito at hinila ako.ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

Bakit naman hindi ako makakakain ng tama mamaya? Kasiyahan nga lang naman ito at hindi ko naman siguro kailagan lapitan lahat ng tao rito. Oo, kailangan ko rin makipaghalubilo sa mga tao dahil ako na ang susunod sa trono pero gusto ko lang munang gamitin ang araw na ito para mga kaibigan at pamilya ko.ㅤㅤㅤㅤㅤㅤㅤㅤㅤㅤㅤㅤ

"Maraming niluto ang mga kaibigan mo. Sabi nila ay ito raw ang iyong mga paborito, sila rin ang naghanda ng desserts at iba pa. Buti nga pinayagan ng ina mo. Ayaw pa naman no'n ang pinapakealaman ang gamit niya sa kusina."

Bakit ba parang galit na galit itong si Ariane kay ina? Wala naman yatang ginawa ang aking mga magulang sa kaniya o kaya ay si ina sa kaniya. Ramdam ko talaga ang inis at tampo niya rito. Huwag niyang sabihin na si Ina ang dahilan kung bakit nasa ganoon siyang sitwasyon? Kung ganoon nga, napakalakas pala talaga ng aking ina. Paano kaya kapag kaming dalawa ang naglaban, may mangyayari kaya na katulad kay Ariane o mamatay ako agad? sa tingin ko kasi talaga ay hindi biro ang kaniyang kakayahan.ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ