Chapter 6
Habang nasa biyahe ay natahimik si Matilda. Iniinda niya ang mga kirot ng sugat at pasa niya. Pinagpapawisan din siya nang malamig kahit na malakas naman ang aircon sa loob ng kotse ng lalaking kasama niya. Pilit niyang ipinikit ang mga mata para maka-idlip. Baka sakaling kapag makatulog siya ay maibsan ang mga nararamdaman niya.
"I will drop you off on the nearest bus station. Mula doon ay maghihiwalay na tayo," simula ng lalaki.
Wala naman siyang narinig na sagot mula sa dalaga. Akala niya ay wala lamang itong gana na makipag-usap sa kanya. Pero nang lingunin niya ito ay kaagad niyang nakita na mistulang nangangatog ito sa lamig habang pawis na pawis.
Nag-aalangan man, ay hinawakan pa rin niya ito sa noo at saka niya napagtanto na inaapoy na pala ito ng lagnat.
"f**k!" bul
