Napapailing naman si Uly sa sobrang ka-desperadahan ni Linda. Kung alam lamang niya ang totoong ugali nito noon pa man ay never sana niya itong kinausap. O baka kahit kinaibigan man lang ay hindi niya ginawa. Obsess na ang isang ito sa kanya. Hindi naman niya malaman kung bakit ito na-obsess. Wala naman siyang ipinakitang motibo rito.
And her obsession may lead to craziness.
Ultimo ang mommy niya ay hindi nakaligtas sa mga pinaiikot nito sa mga kasinungalingan nito. Lalong lalo na ang ka-plastikan ng ugali nito. Habang abala siya sa pagta-type at pagpirma ng mga papeles ay patingin-tingin ito sa kanya. Napapabuntong hininga na lamang siya at napapatanong.
"Hindi pa ba aalis ang isang ito?" inis na bulong niya sa sarili. Eksaktong bulong niya ay sumulyap ito sa kanya. Agad namang iniiwas
