Kahit na kilala na ni Biloy ang babaeng si Linda ay nagugulat pa rin ito sa mga kayang gawin ng babaeng iyon. Wala na yata itong hindi kayang gawin. Kahit si Susie ay naiiling sa pinaggagagawa ni Linda na kahit ang nanay ni Uly ay hindi man lang nito pinalampas.
"Ibang klase talaga 'tong si Linda. Tss." sambit pa ni Biloy na naiiling.
"Aba'y ibang klase talaga. Alam mo ba na nakita ni Dabeng na dumating daw ang asawa niyan?"
"Dumating ho?" pag-uulit ni Biloy. Paninigurado kung tama ba ang pagkakarinig niya.
"Aba'y oo. Pagkatapos ay umalis din." kuwento pa ni Mang Berto.
"Talaga ho?" sabay pang tanong nina Susie at Biloy na hindi makapaniwala sa naririnig.
"Oo. Pero ang sabi ha, bago raw umalis ay may dala-dala na itong maleta. Aba' y wari ko'y hiwalay na ang dalawa." sabi pa ni Mang
