"Wala ka na ba talagang kahihiyan, Linda?" matalim ang titig ni Uly at umiigting pa ang mga bagang sa inis na nararamdaman niya sa babaeng kaharap.
"Hanggang saan ba aabot 'to?" hawak pa rin nito ang braso ni Linda nang makarating sa dakong walang tao na nasa bandang likod ng pinuntahan nilang restaurant ni Kena.
"Ano ba'ng ginagawa mo rito?" hindi naman kaagad makaimik si Linda sa pagkabigla.
"Ganyan ka na ba ka-desperada?" saad pa rin ni Uly. Halata rito ang galit dahil sa mababakas ito sa nanlilisik na mga mata ni Uly kahit may kadiliman nang kaunti ang lugar na iyon.
Nakaramdam naman ng takot si Linda sa pananalita at kilos ni Uly. Kaya naman hindi ito makaimik kaagad. Lalo pa at hawak pa rin ni Uly ang braso nito na pahigpit nang pahigpit. Napapangiwi pa si Linda nang dahil sa hig
