Hindi na nasagot pa ni Mang Berto ang tanong tungkol sa trabaho nito. Hindi rin naman siya nakapasok. At isa pa ay dahil mas mahalaga ang ikukuwento nito na tsismis kay Biloy kaysa trabaho nito. Mas importante ang tsismis sa ngayon.
Kung sa mga babae ay may kasabihang, 'kilay is life', ang kay Mang Berto naman ay 'tsismis is lifer'. Ito na ang buhay niya araw-araw. At tsismis na mapa-trabaho, bahay o labas ng bahay ay inuuna niya. At nakuha naman na niya ang atensyon ni Biloy.
"Ano ho iyon?" usisa naman ni Biloy na interesadong malaman kung ano ang kuwento ni Mang Berto. Paanong hindi magkaka-interes si Biloy ay napaka-energetic nang pagkakasabi ni Mang Berto. Animo'y isang importanteng bagay ang sasabihin na hindi maaaring palampasin.
Naka-abang si Biloy sa sasabihin ni Mang Berto. Hin
