العهد ( الجزء الثاني )

الحلقة السادسة

سجده:: باااااااسل

انا:: اي صوتك يا بنتي

سجده:: هاجي معاك

انا:: وزمايلك

سجده:: يمشوا عادي مش هسيبك تمشي لوحدك كده

انا:: طب ادخلي يا حبيبي ادخلي ربنا يهد*كي...:: يلا يا صخر

اتحركت علي بيت حبيبه انا وحماتي بعد ما اصرت تيجي معايا وسجده دخلت لزمايلها

بنت ١:: هو بيخرج لوحده علي طول

سجده:: ايوه

بنت ٢:: مش بيخرجك خالص

سجده:: من اخر مره خرجنا وتعبت وحصلي الي حصل وهو حاسس بالذنب وخايف يخرجني من بعدها

بنت ٣:: بس خلي بالك الرجاله ملهاش امان ممكن يكون.....

سجده:: متكمليش باسل غير اي راجل

بنت ٤:: متسمعيش كلامها يا سجده هيا بقت عندها عقده من الرجاله اصلا

بنت ٣:: مش عقده بس الي شوفته مش شويه

سجده:: صوابعك مش زي بعضيها طب هقولكم علي حاجه واحكموا انتوا (وحكتلهم حوار عليا كله)

بنت ١:: انتي مجنونه يا سجده

بنت ٢:: بجد رفض

سجده:: وكان ممكن يطلقني فيها بس قالي تطلعي من للبيت لوحدك من غير ماما

بنت ٣:: لا باسل من ايام الجامعه ومحدش فاهمه

بنت ٤:: علشان كان في حاله وملوش غير اصحابه المعروفين احمد وفتحي

بنت ١:: صحيح هو مين الي هيتجوز النهارده فيهم

سجده:: ده معتمد اخوهم الرابع هياخد بنت خالتي

بنت ٣:: اه قولي كده خ*فتوا مزز الدفعه انتوا

كلهم ضحكوا علي كلامها

في مشهد اخر ( بيت حييبه)

دخلت انا وحماتي وهيا راحت باركت لحبيبها وامها وانا قعدت مع بابا والرجاله

فتحي:: استر يا الي بتستر

احمد:: في اي ياض

باسل:: معتمد مش بينوي علي كتب كتابه الا وحاجه بتحصل

فتحي:: عهههههههه صح

احمد:: خير متقلقوش

انا:: مش ملاحظ حاجه يا فتحي

فتحي:: الواد بقا عاقل وراثي كده سبحان مغير الاحوال

معتمد:: اي يترغوا في اي

احمد:: بيحفلوا عليا يا عريس

انا:: مب**ك يا غالي ربنا يتمم بخير

فتحي:: مب**ك يا عريسنا

معتمد:: الله يبارك فيكم يا احلي اخوات في الدنيا وعقبالك يا توحه انت وابو احميد ونشيل ولي العهد يا بيسو

بابا:: نفسي ياض يا معتمد هموت واشيله بيت ايدي

انا:: بعد الشر عليك يا بابا تشيله وتربيه وتجوزه كمان

ابو حبيبه:: الماذون جيه يا معتمد اتفضلوا

معتمد:: عمو عز مع حضرتك يا عمي

بابا:: اتشرف يا ابني طبعا

معتمد:: ربنا يخليك يا عمي

كتبنا الكتاب والحريم زغرطوا وشغلوا اغاني لقيت صخر واقف بعيد عن باب الشقه روحتله

انا:: واقف لوحدك ليه

صخر:: الرجاله متوزعين في الباسله وانا لوحدي هنا

انا:: ومدخلتش تقعد معانا ليه

صخر:: ميصحش يا باشا حتي لو انت بتعاملنا احسن معامله في ناس غريبه ميصحش

انا:: ماشي تعالي اقعد معانا يلا

دخلت انا وصخر جوه

معتمد:: كنت هزعل لو مدخلتش يا صخر

صخر:: مقدرش علي زعلك يا سيادة المقدم

فتحي:: سيااااادة المقدم اي يا صخر الطربوش الي في ل**نك ده خلي البساط احمدي

صخر:: ماشي يا توحه

احمد:: هو ده

انا:: يلا قوموا رقصوا العريس يا ابني

معتمد:: وانت هتصقف بس ولا اي

انا:: ما انتا عارف مش بتحرك من مكاني ولا برقص

شويه وشغلوا الاغاني وكنت واقف بصقف وفتحي شدني وانا ما صدقت شويه عبط علي هبل طلع رقص وخلاص ههههههههه والبنات شغالين رقص وغاريد علي جنب مع نفسهم

بنت:: قوليلي يا حبيبه مين المز الي مع خطيبك ده

حبيبه:: اولا بقا جوزي يا متخلفه ثانيا انهي واحد فيهم

بنت:: الي لابس بدله سوده وفي مسدس في جنبه

حبيبه:: ده صخر الحارس الخاص لباسل صاحب معتمد

بنت:: وباسل يمشي بحراسه ليه

حبيبه:: اومال لو شوفتي الي حصل من اول اليوم صخر جه ومعاه ٣٠ واحد منهم الي علي السطح ومنهم الي في الشارع ومنهم الي في العمارات الي جنبنا

بنت:: ليه يعني ده كله

حماتي:: علشان اتعرض لكذا محاولة اغتيال

بنت:: احم ماشي يا طنط

حماتي:: يلا يا بنات رقصوا العروسه

ام حبيبه:: في اي يا وفاء*

حماتي:: ابدا مفيش يا حبيبتي

معتمد راح وقف الموسيقي وجاب حبيبه في وسط البيت

معتمد:: انا بشكر كل الناس الي موجوده علشان تفرحلي من قلبها بجد وبحمد ربنا علي وجود اصحاب واخوات زي باسل وفتحي واحمد

خالد:: امشي انا ولا اي

معتمد:: خالود حمدلله علي السلامه* ...:: وخالد طبعا زميل العمل والصاحب الجدع وشخص في مقام الاب زي عمو الباشمهندش عز ابو طاحون الي بفضله بعد ربنا انا واقف قدامكم دلوقتي بالشكل ده اخيرا بقا اني حققت حلمي وبقيت ملكي احلي واجمل واحده في الدنيا كلها حبيبه وهيا حبيبه وعزيزه علي قلبي لابعد الحدود وعقبال كل الي متجوزش يتجوز والي اتجوز يرزقه بالذريه الصالحه

في مشهد اخر

شخص:: كلهم متجمعين يا فندم

شخص ٢:: طب يلا نتحرك دلوقتي

شخص:: خطر يا فندم الجيش والشرطه غير حراسة باسل مامنين المنطقه بالكامل والي هيدخل مش هيخرج ده لو عرفنا

شخص ٢:: يعني مش هنخلص من الصداع بتاع باسل ابو طاحون ده

شخص:: عايز اعرف اي الي مخلي ا****عه عايزين راسه باي طريقه

شخص ٢:: دي اوامر وبتتنفذ ملناش نستفسر عنها

شخص:: ومين الي ادي الاوامر دي

سخص ٢:: رئيس ا****عه

شخص:: احم طب هشوف اي مدخل تاني ندخل بيه للواد ده

عند بيت حبيبه قاعد انا ومعتمد وحبيبه وفتحي وعلا واحمد وسلمي كلنا بنضحك

احمد:: هههههههههه يا ابني ارحمني بقا

صخر:: انا عن نفسي مش مصدق عن احمد كده

انا:: طب اسال معتمد اهو كان حاضر الموقف من اوله

معتمد:: حصل واب** بالعشره

سلمي:: معلش يا حبيبي متردش عليهم هما وحشين وانت حلو

احمد:: حاضر

انا:: ايوه اسمع الكلام يا بابا علشان تجبلك اللعبه الي كان نفسك فيها

كلنا ضحكنا وكل واحد اخد خطيبته يوصلها لبيتها وانا اخدت بابا وحماتي ونزلنا من العمارة

صخر:: اسحب الرجاله

انا:: اه معتمد بايت هنا

صخر:: كله يرجع مكانه

كلهم:: تم الانسحاب

انا:: هتيجي معايا لوحدك

صخر:: علي فين

انا:: نوصل ا****عه الاول وهقولك بعدين

صخر:: اوامرك

اتحركنا علي البيت ونزلت بابا وحماتي واتحركت انا وصخر

في بيت حسين الرشيدي

احمد:: مش عارف يا سلمي باسل اتغيير كتير

سلمي:: ليه مهو كان بيضحك وبيرقص ولا الطفل الصغير

احمد:: في حاجات بينا ميفهماش غيرنا احنا الاربعه صعب حد غيرنا ياخد باله

سلمي:: طب احكي يمكن اقدر اساعدك انت ناسي ان دكتوره في علم النفس

احمد:: ما انا بكلمك علشان كده

سلمي:: طب احكي يا سيدي

احمد:: من اول ما اتعرفنا علي بعض وباسل ع**نا كلنا يعني لا بتاع مشاكل ولا بيحب يتخانق مع انه كان يقدر يقف قصاد اي حد حتي لو اكبر سننا منه بس كان بيتجنب ده فجاءه باسل مسك الشركه وبيخرج لوحده كتير وساعات بشوفه بيتكلم مع حد مش موجود اصلا وبسمعه بيقول حوريه

سلمي:: لا يا احمد من كلامك انت عارف باسل اكتر مني ومن اي حد بس لو وصلت لكده اقولك اقف عندك من معاملة باسل لسجده ده عشق مش حب وعمره ما هيفكر يعرف واحده عليها

احمد:: انا مقولتش كده بس تفسري باي الي قولته وكلامه مع حد مش موجود

سلمي:: يمكن حرمانه من والدته عامل اساسي في كده وظهورها الي كله مستغربه والقصه الي حصلت دي كفيله تدمر اي انسان في الدنيا

احمد:: يعني باسل ضاع مننا كده

سلمي:: مضاعش ولا حاجه بس لازم تخلوه يتراجع عن الموقف الي واخده ضد والدته ده

احمد:: حاولنا كتير نجمعهم في مكان واحد بمساعدة شذي اخته وكله من غير فايده ثابت علي موقفه بردو

سلمي:: مهما كان هو لسه في صدمه يوم وليله واحده تيجي يوم فرحي وتقول انا مامتك* الي بابا قال انها اتوفت من يوم ولادتي وتطلع سيباني كل ده علشان لقت قصة الحب الي ملقتهاش مع بابا ده انا يجيلي جلطه ساعتها

احمد:: علي العموم انا همشي بقا علشان الوقت اتاخر

سلمي:: طب استني بابا لما ييجي

احمد:: مره تانيه بقا يلا سلام

سلمي:: سلام يا حبيبي

في بيت معتمد عليا ووالدت معتمد قاعدين

عليا:: اطمنتي علي معتمد وكتب الكتاب اهو كلها يومين ونعمل الفرح

والدة معتمد:: اسكتي يا عليا انا كنت قلقانه اموت قبل مافرح بيكم

عليا:: بعد الشر يا ماما ومين يلبسني الفستان بقا

والدة معتمد:: امين يا بنتي ده يوم المني لما اشوفك جنب عريسك في الكوشه كده

عليا:: تسلميلي يا حبيبتي قريب

معتمد:: اي هو الي قريب

عليا:: اهو العريس وصل جيت امتي

معتمد:: من اول الكوشه وقريب اي في عريس

والدة معتمد:: ياريت يا ابني

عليا:: اي ده انتوا زهقتوا مني ولا اي

معتمد:: ابدا يا بنتي مش كده بس عايز اطمن عليكي وافرح بيكي

عليا:: سيبها ب*روفها ية معتمد

والدة معتمد:: اجهزلك العشا

عليا:: تلاقيه اتعشي مع العروسه واكلته بايديها

معتمد:: ههههههه يخربيت عقلك مش هتكبري ابدا ايوا اكلتني بايديها

والدة معتمد:: تتهنوا يا حبيبي يلا انا داخله انام تصبحوا علي خير

الاتنين:: وانتي بخير يا ماما

في مكان مهجور يعتبر صحرا

صخر:: منتظرين مين بقا

انا:: هتعرف دلوقتي

صخر:: طب فهمني علشان اعمل حسابي طيب

فجاءه دخلت ثلاث عربيات علينا نزل منهم حراسه وفتحوا الباب لشخص

انا:: اهم وصلوا

شخص:: ازيك يا باسل..:: كان نفسي اشوفك من زمان

انا:: واديني قدامك

شخص:: واي لازمة صخر معاك متقلقش انا لو عايز اقتلك مفيش حاجه هتمنعني

انا:: عارف ده كويس بس حبيت اعرفك علي صخر

شخص:: سمعته سبقاه وعارفه كويس

انا:: للاسف متعرفهوش كويس عرفه بنفسك يا صخر

صخر:: نفذ

كل الحرس الي حوالينا وقعوا وصخر قرب من الشخص ده

صخر:: عرف*ني ولا لسه

شخص:: باسل نتفاهم مش هتستفاد حاجه بموتي انا كارت محروق

انا:: عارف الحاجه الوحيده الي هتزعلني اي اني هخلي اختي يتيمه يا تامر بيه

تامر:: طب انا هعرفك كل المعلومات الي انت عايزها بس سيبني اعيش

انا:: ميلزمنيش معلومات واه صحيح لما تلعب مع حد اتعلم متسبش وراك دليل

تامر:: دليل اي ده

انا:: رقم تليفونك الي متسجل عند الواد الروسي الي بعته يقتلني والرقم التاني الي متسجل عند الواد الاسرائيلي بردو

تامر:: انا انا :: ....

ض*بته طلقه في نص دماغه

انا:: يلا بينا يا صخر

صخر:: اتفضل يا كبير

ركبنا العربيه وصخر اتكلم في الجهاز وبلغ الرجاله تنظف المكان وصلنا البيت دخلت لقيت كله نايم طلعت جناحي لقيت سجده قاعده

انا:: اي الي مصحيكي لحد دلوقتي

سجده:: مستنياك

انا:: معلش اتاخرت كان معايا شغل لازم اعمله

سجده:: شغل ولا معاد مع واحده

انا بدهشه:: اي الي بتقوليه ده

سجده:: الي حسيته يا بااااسل

انا:: صوتك عالي

سجده:: انت سيبت كل كلامي ومسكت في صوتك العالي

انا:: علشان كلام ملهوش اساس اصلا...:: علي العموم لحد ما احساسك يطلع غلط مسمعش صوتك يعلي تاني والا وديني ما هيطلعلك صوت تاني ابدا تصبحي علي خير

سيبتها ودخلت نمت وهيا قاعده ودموعها نازله علي خدها صحيت تاني يوم لقيتها قاعده نفس القاعده لبست ونزلت روحت الشركه لقيت امي قاعده في السكرتاريه

امي:: باسل عايزاك في موضوع مهم

انا:: معلش عندي اجتماع مهم اخلصه واكون مع حضرتك

امي بصوت عالي:: تاجله لحد ما اخلص كلامي

انا:: صوت حضرتك عالي واحنا في شركه محترمه مفيش صوت حد بيعلا فيها غير صوتي انا وبس

امي:: قتلت تامر ليه

انا:: اطلعي برا يا سهي

سهي:: حاضر

انا:: كنتي بتقولي اي بقا

امي:: قتلت تامر ليه يا باسل

انا:: اي الثقه دي كلها

امي:: انا متاكده انك انت الي عملت كده

سيبتها ودخلت المكتب وقعدت علي الكرسي

انا:: يبقي كنتي عارفه هو عايز اي وبيعمل اي

امي:: ومكنتش اقدر اقف قصاده

انا:: بس انا قدرت اقف قصاده..:: بس صدقيني مش مستغرب من موقفك ده ولا انك تبيعي ابنك للمره التانيه بس المره دي تكوني شريكه في موته

امي:: يا ابني انا :: .....

انا:: شرفتي يا مدام ناهد واتمني الزياره متتكررش تاني...:: علشان لو اتكررت تاني صدقيني هيتم شذي اب وام اطلعي برا

امي:: يا باسل افهم.....

انا:: صخرررررر يا صخرررررر

صخر:: اومر يا باشا

انا:: وصل ناهد هانم لحد عربيتها وتسحبلي كل الحراسه الي علي فيلتها وتعين حراسه تبعنا واهم حاجه شذي مفهوم شذي يا صخر

صخر:: حصل يا كبير

خرجها صخر برا المكتب

انا:: سهي تعاليلي حالا

سهي:: حاضر يا فندم

بعد شويه دخلت سها ومعاها قهوتي

انا:: الاجتماع حاهز

سهي:: لسه يا فندم

انا:: ليه بقي

سهي:: حضرتك مبلغتنيش وكان معاك ضيوف

انا:: عشر دقايق ويكونوا في اوضة الاحتماعات حالا

سهي:: حاضر يا فندم

خرجت ويعد شويه بلغتني ان الاجتماع جاهز دخلت اوضة الاجتماعات

انا:: انا شايف وجوه جديده معانا وده يوحيلي ان مستقبل تعليمنا كويس

مهندسه:: واي يخلي حضرتك تقول كده

انا:: لان المكان ده ميقبلش اقل من فوق الممتاز يا باش مهندسه ولو حضرتك مش شايفه في نفسك الكفاءه والتقدير انك تبقي من وسط كيان زي ده يبقي تتفضلي تقدمي استقالتك حالا وهشوف الاتش ار الي عين مهندسه غير واثقه في نفسها

لقيت اتنين قاموا وقفوا

انا:: خير الاجتماع مخلصش

مهندس ١:: انا تقديري جيد جدا

انا:: فهمتوني غلط يا باش مهندسين...:: انا مبتكلمش عن التقدير الي بتجبوه في امتحان الكليه انا بتكلم عن التعليم العام للحياه وان حضرتك قاعد قدامي دلوقتي يبقي نجحت في امتحان الكليه والحياه وامتحان الشركه صح

مهندس ٢:: مظبوط يا فندم

انا:: انتو الثلاثه هتنضموا علي الجروب الي بينفذ المشروع الحالي

الثلاثه بصوا لبعض بنظره خوف ورهبه وكله بص لبعضه

مهندس حسن النائب بتاعي:: حضرتك دول لسه جداد

انا:: واي المشكله يا هندسه عادي يستفيدو من خبرة حضرتك ويواكبوا الاحداث اول باول ويكون في ملفهم مشروع زي ده في حد ذاته شرف

حسن:: الي تشوفه يا باشمهندس

انا:: اي اخبار المناقصه الي جايه

حسن:: داخل فيها اربع شركات غيرنا شركة سليم الجراح وشركة الخديوي وشركة كامل للمقاولات وشركة مهيب صقر

انا:: مناقصة العمر اخرج منها يا باشمهندس

كلهم بصوا لبعض بردو

حسن:: حضرتك بتقول مناقصة العمر

انا:: بس هيكون فيها خساير كتير وممكن مش فلوس بس لا وارواح كمان وانا مش مستعد ادخل دايرة حرب تانيه

حسن:: بس احنا قادرين ناخدها يا فندم

انا:: متاكد من ده يا هندسه بس كفايه عليا الي انا فيه واحنا معانا مشاريع مش قليله سيبهم يض*بوا في بعض وال**بان فيهم هيبقي طالع خسران كتير يا هندسه وناس زي دول بيحاربوا علي كذا جبهه ومش بيكتفوا بحرب واحده

حسن:: ده انتحار مش حرب

انا:: بالع** كل واحد في دول ذكي وذكي جدا كمان بس ميحسبوش الخساير الي بتروح قدام عنيهم المهم الم**ب الي جاي اكتر من الخساير

حسن:: مهو ده ادارة الاعمال المظبوط

انا:: بس مش الانسانيه المظبوطه ولا المنطق المفروض علينا خسايرهم فلوس وارواح وبيدفعوها انا بقا الروح عندي غاليه لو علي الفلوس بسيطه بس دي ارواح ناس....:: يلا اتفضلوا انتوا

قعدت مع نفسي افكر في الكلام الي انا قولته مع اني لسه قاتل اتنين زهقت روحين بايدي

حوريه:: متفكرش كتير يا انت يا هما

انا:: ده مش مبرر لموتهم بردو

حوريه:: طب يا هما يا ابنك الي لسه مشافش للدنيا ومراتك وابوك وحماتك وصحابك

انا:: متدنيش مبررات يا حوريه هما عايزين باسل بس

حوريه:: والي يوصلهم لباسل اي اهله واصحابه الي بيحبهم جدا

انا:: معلش سيبيني لوحدي

حوريه:: الي تشوفه بس في خبر مش حلو

انا:: اي تاني

حوريه:: باباك تعبان ومخبي عليك

انا بجنون:: بتقولي اي..:: وعنده اي*

حوريه:: * لازم يتعالج في اقرب وقت

سيبتها وخرجت برا الشركه ركبت العربيه ورجعت البيت باقصي سرعه

انا بصوت عالي:: بابا انت فين

سجده:: في اي يا باسل

انا:: بابا فين

سجده:: في اوضته ليه

طلعت جري علي للاوضه فتحت ودخلت جوه لقيت بابا قاعد عادي

بابا:: عامل دوشه ليه

انا اخدت نفسي كاني راجع من الموت:: انت كويس

بابا:: هيا قالتلك

انا:: وحضرتك كنت مخبي ليه

بابا:: علشان عارفك وهتصر اني اتعالج

انا:: مهو العلاج مطلوب يا بابا

بابا:: واموت في سرير في مستشفي

انا:: بعد الشر عنك محدش هياخدك مني

بابا:: مفيش حاجه تغلي علي الي خالقها

انا دموعي نزلت:: هتتعالج وهتبقي كويس واحسن من الاول

بابا:: خايف عليا

انا:: ياريتني كنت انا

بابا:: العمر الطويل ليك يا ابني بس ده ملوش علاج ده مرض مصنوع

انا بعدم فهم:: مرض مصنوع ازاي

بابا:: فيرس اتصنع واتحقن فيا

انا :: ...............

بابا:: متستغربش

انا اتكلمت في الجهاز:: صخر هات حميد وتعالا فورا

صخر:: امرك يا باشا

بعد عشر دقايق دخل حميد وصخر الفيلا

صخر:: خير يا كبير

انا:: حميد المكلف بحماية ابويا صح

حميد:: تمام يا فندم

انا:: ابويا بيموت يا حميد

صخر بصدمه:: ازاي يا باشا ده لسه داخل قدامهم من شويه

انا:: انا قولت بيموت يا صخر اخد فيرس مصنوع يدوي مش عارف ازاي

حميد.........

صخر:: ساكت يعني يا حميد

حميد:: مستني اوامر الباشا وال*قاب

انا:: ليه ذنبك اي انت

حميد:: تقصير في شغلي وحماية الباشا الكبير

صخر:: الموت يا حميد

انا:: خلاص يا صخر قولت مش ذنبه الاول نشوف حل او علاج للفيرس ده

صخر في الجهاز:: خديجه تعالي حالا

دخلت خديجه وطلعت تاخد عينه دم من بابا ونزلت

خديجه:: هفحص العينه خمس دقايق وابلغ حضرتك بالنتيجه

انا:: ماشي يا خديجه

حميد:: ال*قاب يا باشا

انا:: يا ابني مش ذنبك انت هتدخل معاه ياخد ال.......

الحقنه بس ازاي دي خديجه الي بتدهاله بقالها فتره

صخر:: وقبل كده يا باشا

انا:: كان بيخدها في المستشفي علي طول علشان بيتعمل قبلها تحاليل واختبارات

صخر:: خديجه خلاص

خديجه:: اه تمام الفيرس مكون من مواد غرييه زي الرصاص وحاجات من ح*****ت كتير سم التعبان وسم ال*قارب ودم خنزير وحجات كتير

انا:: والعلاج

خديجه:: ٦٠٪ العلاج لحاجه زي دي بيبقي مع الصانع للفيروس

انا:: فهمت...:: يلا علي المستشفي يا صخر

صخر:: كل الخليه تتحرك مع الموكب ماعدا حرس البيت

خرجنا ركبنا العربيات وفضل حرس البيت واول مطلعنا من بوابة الفيلا وكل تقاطع ينضم علينا عربيتين جيب لحد مبقينا ١٦ عربيه

انا:: صخر اي ده كله

صخر:: خلية الحمايه يا باشا

انا:: ملوش لازمه

صخر:: معلش يا كبير الاحتياط واجب والي عمل كده اكيد عارف انك هتروح المستشفي

انا:: تمام

وصلنا المستشفي دخل ٨ رجاله امنو المداخل ومشطوا المستشفي بالكامل وبعد كده صخر فتح الباب نزلت دخلت المستشفي لقيت كل الدكاتره والممرضين والامن متجمعين في الاستقبال ورجالتي حواليهم

انا:: سوال واحد وعايز اجابه واحده

مدير المستشفي:: خير يا باسل باشا ليه ده كله

شاورتله بايدي يسكت

دكتور:: انتا في مستشفي يا حضرة مش عزبة ابوك هيا

ض*بته رصاصه في رجله وقع علي الارض

مدير المستشفي:: باسل باشا ممكن اعرف اي لازمة كل ده بعد اذن جنابك

انا:: ابويا كان بيجي ياخد حقنة النقرص والروماتيزم صح

مدير المستشفي:: تمام سعادتك

انا:: مين الدكتور المسئول عن الكلام ده

دكتور:: انا

انا:: صخر

راح صخر جابه ونزله علي رقبته قدامي

دكتور:: حضرتك هو مجاش بقاله فتره

انا:: فعلا بس الفتره الي كان بيجي فيها اتحقن بفيروس مصنوع يا تري بقا حضرتك تعرف بكده ولا لا

دكتور:: اقسملك معرف حاجه عن الي حضرتك بتقوله

انا:: مين من التمريض معاك

دكتور:: واحده اسمها حياه وواحده تانيه اسمها امل

انا:: امل وحياه

قامت امل من مكانها

امل بخوف:: انا امل

انا:: تعرفي اي عن الكلام الي قولته ده يا امل

امل:: يا باشا معرفش حاجه انا كنت بعمل الاختبار واخد عينة التحليل قبل الحقنه وبس

انا:: حياه فين

مدير المستشفي:: سيبه الشغل بقالها اسبوعين

انا:: عنوانها

مدير المستشفي:: ثانيه واخده يا باشا

راح علي الكمبيوتر جاب بيانتها ورجع ادهالي

انا:: يلا يا صخر...:: واه سوري يا دكتور علي الرصاصه بس راعي ظروف الناس

دكتور بيتوجع وبخوف:: حاضر حاضر

انا:: يلا يا رجاله

خرجنا روحت علي عنوان حياه ملقتهاش في العنوان بتاعها سالت الجيران عليها قالولي ان ربنا فتحها عليها وعزلت من هنا سالت الشارع وعرفت عنوانها من صاحب الكشك الي قدام بيتها

انا:: متاكد يا حج من كلامك

صاحب الكشك:: ايوه يا بيه انا سالت سواق التا**ي الي كان جاي ياخدها اصل حوار ممرضه ومستشفي ده اتهرس في مليون فيلم عربي قبل كده

انا:: شكرا يا حج...:: طلعت ٢٠٠ جنيه ادتهمله..:: يلا يا صخر...:: ابو امك رغاي

صخر:: اهو الرغاي ده تعرف منه العفريت مخبي ابنه فين

انا:: عندك حق يلا بينا

روحنا العنوان وكانت فيلا صغيره في التجمع دخل صخر في البوابه **رها بالعربيه نزلنا من العربيات والرجاله قدامي **رو باب الفيلا وبنت عندها حوالي ٢٠ سنه نازله تجري علي السلم

حياه:: في اي انتوا مين وعايزين اي

انا:: هششششششش مسمعش صوتك هاتوها

جابوها الرجاله وقعدوها قدامي علي الارض وانا قعدت علي الكرسي

انا:: قوليلي يا حياه

حياه:: عايز اي انت مين

انا مسكتها من شعرها:: لا كده ازعل منك محبش الي يستهبل

حياه:: استهبل في اي مش فاهمه حاجه

انا:: يعني الي قالك تدي حقنة الفيروس لعز ابو طاحون معرفكيش ممكن يحصلك اي

حياه:: اي الي انت بتقوله ده انا بنت ناس........

انا:: تمام يا بنت الناس صخر

صخر:: اومر يا كبير

انا:: عايز اشوف بنت الناس بنت ولا مدام

صخر:: تومر يا باشا

قرب صخر منها وسحبها من شعرها

حياه بصويت:: لا سيبوني ابوس ايد*كم هقول علي كل حاجه لااااا

انا:: خلاص يا صخر هاتهالي.....:: ها هاتي الي عندك

حياه:: جاتلي واحده المستشفي وقالتلي علي الي هعمله وادتني* مليون بس لما عرفت مين ويبقي اي طلبت عشره مليون

انا:: اسمها وشكلها اي

حياه:: ست اجنبيه مش مصريه اسمها كاثرين

انا:: شكلها اي انطقي

حياه:: اطول مني شويه شعرها اصفر كيرلي وجسمها متوسط لا رفيعه ولا تخينه

انا:: هيا فزوره بروح امك صخر

حياه:: لا لا معايا فديو ليها صورته بتليفوني من غير متعرف علشان اضمن حقي منها

انا:: تليفونها يا صخر

صخر:: اتفضل يا باشا

فتحت الفيديو وشوفت الفيديو وكانت

#####