العهد ( الجزء الثاني )

*# نكمل من اخر مشهد ف الجزء الاول ...... انا :: * نعععم شذي:: هيا صدمه بس انا مبسوطه ان ليا اخ زيك انا:: عن اذنك يلا يا سجده امي:: باسل رايح فين....:: شذي اي طلعك من اوضتك شذي:: شوفت باسل يا ماما قولت اجي اسلم عليه واعرفه بيا امي:: وهو ده كان وقته انا:: اي حرقت الكارت الي كنتي هتلعبي بيه ولا اي امي:: كارت اي والعب اي...:: انتي ازاي تكلمني كده يا ولد انا ام.............. انا بصوت عالي:: اولا انا مش ولد ثانيا انا المهندس باسل عز الدين ابو طاحون ثالثا متفكريش في لحظه انك تعتبري نفسك امي مفهوم ولا لا يلا يا سجده خرجنا من الفيلا ركبنا العربيات ورجعنا البيت انا:: اطلعي يا سجده وانا هحصلك سجده:: طب اعملك حاجه تروق دمك انا:: طب ياريت قهوه لو سمحتي سجده:: عيوني حاضر لقيت بابا خارج من المكتب قولت لسجده خليهم اتنين قهوه وقعدنا مع بعض بابا:: اي الي ضايقك هناك انا:: مفيش يا بابا كل حاجه كويسه بابا:: طب بلاش اي الي ضايقك اي الي مخلي عيونك مرغرغه بالدموع كده انا:: احم هتصدقني لو قولتلك مش عارف بابا:: من حقك انها توحشك مهما كان امك انا:: بالع** انا مفيش اي احساس ولا مشاعر جوايا بتدل علي انها امي بس فيه مشكله جديده ظهرت بابا:: اختك صح انا:: انت كنت عارف بابا:: ايوه وكنت عارف انها مش عايزه تعرفك عليها وسيباها للظروف علشان ترجعك ليها تاني انا:: يعني لما الاقي اخت ليا ده الي هيرجعني ليها بابا:: هيا دماغها كده بقا فاكره انك علشان وحيد ما هتصدق ان ليك اخت او اخ وتتجمع بيهم وطبعا هيا هتستغل ده لمصلحتها انا:: وانا وقفتها عند حدها قدام الكل بابا:: ازاي انا:: حطيت النقط علي الحروف وعرفتها اني لا عايزها في حياتي ولا معتبرها امي بابا:: الي يريحك اعمله بس مش هتقدر تهرب من واقع انها امك انا:: سيبها ب*روفها بقا سجده:: القهوه المظبوط وقهوتك الزياده يا بابا انا:: انا قولت نسيتي ولا بتعمليها علي الشمس بابا:: بس يا ولد قول شكرا سجده:: حبيبي يا بابا يا رافع معنوياتي ديما انا:: هطلع اريح انا بقا علشان هروح لاحمد بكره بابا:: ابقي طمني انا:: حاضر تصبح علي خير بابا:: وانت بخير يا حبيبي سجده:: محتاج حاجه اعملهالك يا بابا بابا:: لا يا بنتي تصبحي هلي خير سجده:: وانت بخير طلعنا نمنا وصحيت تاني يوم روحت لاحمد واطمنت عليه من الدكاتره وقالو ان حالته بتتحسن بس لسه في غيبوبه قعدت مع والدته شويه لحد ما جه معتمد وفتحي معتمد:: كنت فين امبارح انا:: كنت في حفله فتحي:: روحت بردو معتمد:: وميروحش ليه يا فتحي مهما كان دي..... انا:: متكملش يا معتمد انا مش ناقص والدة احمد:: مالك يا باسل اي الي تاعبك بس انا:: سلامتك يا امي انا بخير فتحي:: لا مش بخير يا خالتي انا:: اسكت يا فتحي معتمد:: هتسكت لحد امتي وتكتم في نفسك لحد ما تقع ويحصلك حاجه والدة احمد:: يا ساتر للدرجادي معتمد:: احنا هنرضي برايك يا خالتي والدة احمد:: قول يا حبيبي لو اعرف افيدكم هقول فتحي:: تعرفي اي عن والدة باسل والدة احمد :: الله يرحمها معتمد:: اهو اللي الله يرحمها طلعت عايشه والدة احمد:: نعم ده ازاي ده فتحي:: باسل يحكيلك بقا وحكتلها كل حاجه حصلت معتمد:: ها اي رايك والدة احمد:: متزعلش مني يا باسل يا ابني دي لا هيا ام ولا حملت ولا ولدة اصلا ولا تعرف عن الامومه حاجه والي تسيب ابنها وجوزها وهو لسه حته لحمه حمرا متستاهلش يتبكي عليها ولا تعبرها فتحي:: قابل يا عم وانا الي كنت بقول هتصلحي الدنيا يا خالتي وتخليه يفكر انه يتكلم معاها حتي معتمد:: خالتك جات تكحلها عمتها خالص والدة احمد:: انا قولت الي في ضميري وقلبي وباسل مش صغير ولا مش واعي باسل اذكي ما فيكم ويعرف يتصرف في حياته كويس انا:: سمعت انت وهو نقفل بقا الكلام في الموضوع ده الاتنين:: حاضر والدة احمد:: يلا سيبوني مع باسل لوحدنا الاتنين:: حاضر انا:: خير يا امي والدة احمد:: شايف كلمة يا امي دي لما اسمعها منك ومن احمد عندي بالكون كله عارف ليه انا :: ليه والدة احمد:: علشان اول ما البنت بتتولد بيتزرع في قلبها حب الطفل بالفطره وبتبقي ام بالفطره ومهما كان ولا مهما حصل هتلاقي قلب امك وجعها من بعادك عنها انا:: بعد كل الي قولتيه والي سمعتيه والدة احمد:: انا قولت الي يريحك ويريح ضميري بس مفيش حد ادري ب*روف حد يمكن عندها سبب يخليها تعمل كده انا:: مفيش سبب يا امي تخلي ام تسيب ابنها وتمشي ومتفكرش تشوفه اكتر من ٢٦ سنه والدة احمد:: كلنا بنغلط وهيا غلطت واتحملت عقاب غلطتها ده بعدها عنك وحرقت قلبها سنين انا:: وانا انا ذنبي اي في ده كله والدة احمد:: معندكش ذنب يا ضنايا بس روحت ولا جيت هيا امك فاهم امك انا:: وانا عند موقفي بردو هيا من طريق وانا من طريق والدة احمد:: حققك تختار زي ما هيا اختارت بس ملكش حق تقسي عليها او تحرمها انها تشوفك فاهم يا باسل انا:: فاهم فاهم يا امي والدة احمد:: يلا قوم شوف شغلك انا:: لا انا اجازه النهارده مقضي اليوم معاكي والدة احمد:: طب خلاص تعالا نشوف احمد ونقعد كلنا جنبه يمكن لما يحس بينا يفوق ويرجعلنا تاني انا:: ياريت يا امي ياريت روحنا قعدنا في اوضة احمد الممرضه جات اداته الدوا والمحاليل وخرجت عدي الوقت وانا مشيت رجعت البيت انا :: * مساء الخير كلهم:: * مساء النور حماتي:: * احمد عامل اي دلوقتي انا :: * لسه يا امي مفاقش وشكله مطول بابا:: * متقولش كده بكره يقوم بالسلامه سجده:: * طب احنا اتغدينا اجبلك تتغدي انا :: * لا انا عازمك علي العشا برا هطلع اخد دش والبس سجده:: * انت لسه جاي من المستشفي وشكلك مرهق انا :: * بعني مش عايزه تخرجي براحتك انا طالع انام يا جماعه سجده:: * استني هنا انت صدقت ساعه واكون جاهزه حماتي:: * خلاص باسل عرف علاجك اي كلنا ضحكنا علي سجده وهيا واقفه بتبصلي سجده:: ماشي يا ست ماما يلا انت كمان علي بال محضرلك الحمام انا:: ههههههه حاضر طلعنا لبسنا ونزلنا اخدت سجده وخرجت من غير حرس وروحنا مطعم علي النيل وطلبنا عشا وبعد شويه دخلت علينا شذي شذي:: * ازيك يا باسل انا :: * اهلا انسه شذي شذي:: * انسه اي يا ابني انا اختك سجده:: * احم اقعدي يا شذي شذي:: * معلش معايا اصحابي انا جيت اسلم علي باسل بس واشوف مرات اخويا القمر بصيت علي الترابيزه الي شاورت عليها شذي لقيت اربع شباب وبنت كمان غيرها انا:: مش شايفه ان الشباب الي قاعدين معاكم قليلين شويه يعني هما اربعه وانتوا اتنين سجده:: * ههههه اي يا باسل زمايلها يا حبيبي شذي بنظرة فرحه:: * انت خايف عليا انا :: * مينفعش ولا اي لو مينفعش اخاف خلاص الي تشوفيه شذي:: * لا لا خاف براحتك بس متقلقش اختك بمية راجل مش علشان اتربيت برا مصر يبقي معرفش العادات والتقاليد انا:: طب تمام ولما انتي عارفه العادات والتقاليد وانك في مجتمع شرقي ملقتيش هوت شورت اصغر من ده ولا تيشيرت واضح عن ده شويه بصت للبسها ونزلت عنيها في الارض شذي:: احم حاضر مش هلبسه تاني سجده:: براحه يا باسل مش كده البنت لسه صغيره انا:: فين الي صغيره دي ماهي عروسه وزي القمر اهي وبعدين انا بتكلم مع اختي انتي مالك شذي بفرحه اكبر:: اختك انا:: يلا يابت انتي استاذني منهم وتعالي اقعدي معانا شذي:: ما يولعوا بجاز استاذن قال قعدت علي طول وانا شايف انها مبسوطه بتحكمي زي مانا مبسوط ان ليا اخت طلبتلها عشا واتعشينا وقعدنا نتكلم شويه انا:: يلا يا سجده ولا عايزه تروحي مكان تاني شذي:: هو ينفع اجي معاكم البيت وكده ولا اونكل عز هيضايق سجده:: ينفع طبعا يا بنتي بابا عز طيب جدا وهيحب وجودك عندنا انا:: طب يلا بينا...:: الشيك لو سمحت حاسبت وخرجنا وشذي شاورت لصحابها انها ماشيه معانا ورجعنا البيت انا:: مساء الخير يا بابا مساء الخير يا امي الاتنين:: مساء النور انا:: بابا دي شذي بابا:: اهلا اهلا نورتي مصر يا بنتي شذي:: ميرسي يا اونكل بنورك ووجود حضرتك انا:: امي دي شذي اختي ودي بقا يا شذي امي وحماتي والدة سجده شذي:: اهلا بحضرتك يا طنط حماتي:: اهلا بيكي يا بنتي بابا:: اقعدي يا شذي واقفه ليه انا:: شذي خايفه لتكون وجودها مضايقك بابا:: ابدا يا حبيبتي انتي نورتينا وانا في قمة السعاده انك انتي واخوكي متجمعين شذي:: ميرسي يا اونكل ده انا الي مبسوطه جدا طلعت غيرت هدومي انا وسجده ونزلنا لقيت شذي قاعده بتضحك وتهزر مع بابا زحماتي قعدنا اخدنا سهرتنا ولقيت شذي قايمه تمشي انا:: استني هطلع اوصلك شذي:: ملهوش لازمه اتعبك معابا انا:: تتعبي مين وبعدين الجو ليل والوقت اتاخر يلا بلاش هبل شذي:: حاضر اخدت شذي وصلتها لحد الفيلا لقيت امي واقفه علي بابا الفيلا ولسه هتزعق مع شذي لقيتني انا الي في العربيه امي:: تعالا يا باسل انا:: عايزه حاجه يا شذي شذي:: لا سلامتك يا حبيبي انا:: يلا تصبحي علي خير شذي:: وانت بخير يا اخويا يا قمر انا:: ههههه سلام اخدت عربيتي ورجعت البيت في الفيلا عند امي وشذي امي:: قابلتي باسل فين شذي:: كنت مع اصحابي في مطعم لقيته قاعد هو ومراته روحت سلمت عليه وقالي تعالي معانا نكمل سهره في البيت* امي:: هو الي قال بردو ولا انتي الي طلبتي منه تروحي معاه شذي:: انا الي طلبت يا ماما ارتحتي امي:: انا عارفه باسل كويس عمره ما بيطلبش من حد حاجه شذي:: وتعرفيه منين بقا وانتي سايباه وهو عمر يوم او اسبوع زي مسمعت امي:: هاه انتي مالك اصلا وازاي تكلميني كده شذي:: علشان مكانش يستاهل الي عملتيه معاه ولا ليه ذنب في حاجه امي:: بس يا شذي متتكلميش ويلا اطلعي اوضتك شذي:: ماشي شذي سابت امي وطلعت اوضتها وامي قعدت علي الكرسي وانهارت من العياط علي دخول تامر جوزها تامر:: مالك يا ناهد اي الي حصل امي:: مفيش حاجه متشغلش بالك مخنوقه شويه تامر:: ايوه من اي وازاي مشغلش بالي امي:: شذي قابلت باسل برا وراحت معاه البيت واول مره تكلمني في اني ازاي اسيبه طفل وامشي هو انا وحشه للدرجادي اخدها في حضنه وطبطب عليها لحد ما هديت في البيت عندي سجده:: شذي كويسه وشكلها بتحبك متاخدهاش بذنب حد انا:: ومين قال اني باخدها بذنب امها انا كنت بس بحاول استوعب وجود اخت فجاءه كده سجده بدلع:: اجبلك حلويات انا:: هو في احلي منك انت سجده:: طب اي انا:: طب اه نمت وصحيت تاني يوم روحت الشركه بعد مو ما وصلت سجده علي الفرع دخلت ملقتش السكرتيره دخلت علي مكتبي وبعد نص ساعه الباب خبط ودخلت السكرتيره كان اسمها سهي سهي:: اسفه يا فندم علي التاخير انا:: قهوه سهي:: افندم انا:: بقول قهوه يا مدام سهي سهي:: حاضر يا فندم خرجت من مكتبي وكانت مستنياها برا واحده صاحبتها ومعانا في الشركه اسمها منال والاتنين لسه شغالين جداد في الشركه منال.عملتي اي سهي:: ولا حاجه مبصليش حتي طلب قهوه بس منال:: متكلمش عن التاخير سهي:: بقولك مبصليش اصلا منال:: مهو محدش يعرف انه هيجي الشركه النهارده كل يوم يروح الفرع الي ماسكه سهي:: حظي الاسود بقا..:: استني ادخله القهوه وارجعلك منال:: افتحي ام زرار البلوزه بتاعتك دي سهي:: مش مرتحالك منال:: متقلقيش الي عرفته عنه يشيب وانه بيعط كتير انتي وشطارتك بقا سهي:: ماشي لما اشوف اخرت معلوماتك دي دخلت سهي بالقهوه ولفت ورا المكتب وقفت جنبي وميلت حطت القهوه انا:: شكرا ممكن ملف المناقصه بتاعت بكرا سهي:: مش محتاج حاجه تانيه يا باشمهندس رفعت عيني وببصلها انا:: لا شكرا...:: مدام سهي سهي:: افندم انا:: اي الي حضرتك عملاه ده سهي بدلع:: عرفت ان حضرتك بتحب كده وبتميل توريني ص*رها روحت قايم رازع بايدي علي المكتب انا بزعيق:: حضرتك في شركه محترمه مش في كباريه يا مدام سهي بتوتر:: انا انا اسفه يا فندم انا:: اتفضلي علي مكتبك سهي:: حاضر خرجت سهي وهيا بتعيط منال:: حصل اي وصوته كان عالي ليه سهي:: اسكتي يا منال مسمعش صوتك خالص منال:: هو طلب حاجه صعبه يعني سهي:: بقولك اسكتي و ربنا يستر ومترفدش النهارده منال:: يا بنتي ليه سهي:: انتي جايبه المعلومات الي عندك منين منال:: من واحده في الفرع عند المهندس فتحي سهي:: واي عرفها انه بيعط وليه في العط اصلا منال:: شافته حاضن المهندسه سجده في المكتب قبل ما تتنقل للفرع التاني سهي:: علشان مراته يا هبله منال بصدمه:: بجد سهي:: روحي يا منال علي مكتبك وبعد ساعتين طلبت قهوه سهي:: اتفضل يا فندم انا:: شكرا سهي:: انا اسفه يا افندم علي الموقف بتاع...... انا:: حصل خير يا مدام سهي سهي:: حضرتك انا مش كده بجد انا بهدوء:: قولت حصل خير يا مدام سهي اتفضلي سهي:: حاضر يا فندم خلصت شغلي واتصلت بسجده تجهز علشان اعدي عليها اخدها وخرجت برا الشركه لقيت شذي واقف برا انا:: بتعملي اي هنا شذي:: مستنياك انا:: طب مدخلتيش تقابليني جوا ليه شذي:: بصراحه خوفت مترحبش بيا فقولت استناك هنا انا:: طب اركبي بلاش هبل ركبنا العربيه وقولت لشريف يروح هو ياخدو سجده ويرجعوا البيت انا:: اي الي خلاكي تفكري كده يا شذي شذي:: اصل امبارح لما شوفتكم في المطعم قولت انك عاملتني كويس علشان سجده معاك ومكان عام وكده انا:: يعني كان باين اني بجاملك وبعاملك حلو علشان حد او منظري في المكان شذي:: بصراحه لا انا:: تمام بعد كده لو اي وقت تحتاجيني هتلاقيني جنبك شذي :: ربنا يخليك ليا يا بيسو انا:: هرجع في كلامي اهو شذي:: ليه طيب انا:: مبحبش الدلع شذي:: ههههههههههه ماشي اخدتها وروحنا علي الكورنيش مكاني المفضل انا:: ها هتفضلي ساكته كتير كده شذي:: مش عارفه ايدا منين انا:: من الكلمه الي تخليكي مرتاحه شذي:: انا وحشه انا:: والسبب شذي:: بعد ما وصلتني امبارح اتكلمنا انا وماما وجرحتها بكلام انا مليش اني اقوله انا:: اها فهمت وليه عملتي كده شذي:: علشان انت اخويا وكنت عايزه اعرف هيا عملت فيك كده ليه انا:: اذا كان انا مش مهتم اعرف ولا عايز اعرف شذي:: انا عارفه كده بس.... انا:: صعبت عليكي ولا اي شذي:: طبعا انا:: طب يلا وخدي النصيحه دي من اخوكي الكبير اوعي تيجي علي امك حتي لو علشان اخوكي مفهوم شذي:: حاضر وصلت شذي البيت وكانت امي واقف في البلكونه نزلت شذي من العربيه وانا مشيت علي طول اول ما خرجت بالعربيه من باب الفيلا لقيت ض*ب نار عليا من كل مكان #####