مجموعة قصص قصيرة

هو وهى فى مهمة رسمية ٣

الفصل الثالث

روني محمد

(سبحان الله وبحمده سبحان الله العظيم)

الحلقة الي فاتت خلصت لما حمزة ورامي كانوا واقفين بيهزروا ومكنوش واخدين بالهم من الي واقف يراقبهم وفجأة حمزة ورامي اض*بوا على دماغهم والاتنين وقعوا في الأرض وأغمى عليهم....

كان في ناس ملثمة وشها متغطي شالوهم واحد ورا التاني بعد ما اقطعلهم هدومهم وربطوهم فوق الشجرة......

تاني يوم الصبح...

حمزة ورامي كانوا واقفين قدام حمزة وموطيين راسهم

حازم بغضب : ممكن حد فيكم يشرحلي الي حصل بالظبط...

حمزة : أنا كنت سهران انا ورامي وفجأة لقينا هجم علينا ناس وض*بتنا ومحسناش بحاجة ... ولما صحينا لقيناك قدامنا هنا...

حازم بتريقة: بذمتك مش م**وف من نفسك ....طب اطمن على نفسك انت وهو.... وشوف كده محدش شربكم حاجة اصفره...

رامي : هما تقريبا حد رش علينا بنج باين ، انا حاسس اني نمت كتير ....

حمزة زقه في كتفه وقاله بصوت واطي

-: أسكت فضحتنا....

حازم : بقى مش م**وفين من نفسكم من الي عملتوه ده!! دانتو عار علينا وعلى رجالة المعسكر كله ....

رامي : ولله يا قائد ما عملنا حاجة احنا مظلومين...

حازم : بقى مظلومين وانا جايبكم من فوق الشجرة... لا ومش أول شكوى تجيلي من نحيتكم انتم بالذات ...من كام يوم الرائد هند قالتلي على عملتك يا حمزة وانها شافتك بتراقب معسكر البنات....

حمزة : دي اكيد مكيدة مدبرة لأن لو أحنا فعلا بنراقب معسكر البنات هنطلع نربط نفسنا فوق عالشجرة .... طب هنقطع هدومنا بلاش دي... انت بنفسك لما نزلتنا كنت شايفنا عاملين ازاي.... يبقى متظلمناش واحكم بنفسك...

حازم : لا اقنعتني الصراحة بس ده مش هيخليكم تفلتوا من ال*قاب!!

رامي بخوف : عقاب ايه ؟

حازم : روح غير هدومك المقطعة دي انت وهو وتعلالي.... وانا هخليكم تتعلموا الانضباط كويس....

حمزة : لا يا قائد أوعى ده أنا حمزة حبيبك...

حازم : ماهو عشان حبيبي هتوصى بيك.... اخفي من قدامي قدامك 10 دقايق انت وهو وترجعوا تقفوا قدامي عشان هقولكم هتعملوا ايه....

بعد ساعة

رامي وحمزة كانوا قعدين فالارض وقدامهم اكوام من الغسيل. .

رامي : حبيبي قرب بص وبص بص... زعلان ازعل... ازعل نص نص..

حمزة : جرا ايه يا نانسي يا عجرم... ماتخرس يابني الا القائد يسمعك..... يخربيت معرفتك السودا.... عجبك كده اهو خلانا نغسل غسيل المعسكر كله ..

رامي : وانا مالي يا لمبي منا درعاتي خدلت من نشر الغسيل...

حمزة : اوووووف اسكت وانت بقيت شبه الستات البيوت ..

رامي : ههههههههه والله انا خايف القائد يلبسنا طرح المرة الجاية...

قاطعهم صوت حازم لما جه وقال

-: ما هو ده الي ناوي اعمله اغسل بذمه انت وهو وادعك يا حمزة الغسيل بضمير انا هراجع عالبقع بنفسي ......

حازم بغيظ : أمرك... أمرك يا سيادة القائد....

********************

بعد يومين يوم خطوبة هند ومازن

هند كانت قاعدة على اخرها وحاولت تطفش مازن اكتر من مره بس هو متبت فيها بايده واسنانه....

هند : حلو القميص الي انت لابسه ده فسكوز ده!!!

مازن : ايه رايك ماما كانت مخترالي قميص تاني بس انا **مت رأي وأخترت القميص ده...

هند : ياريتك ما اخترت... ده انت زوقك يقرف.. قصدي يهبل

مازن : شكرا وانتي كمان فستانك يجنن..

هند : ولله كان نفسي ألبسلك فستان بترتر بس ملقتش...

مازن : معلش تتعوض في الفرح..

هند : هو انت ناوي تعيش للفرح...

مازن : نعم امال ايه ؟

هند : أصل بيقولوا ان في نيزك هيض*ب الأرض...

مازن : ده امتى ده؟

هند : طول مانت لابس الفسكوز ده بتوقع ان اليابان تعملها قبله... وتريحنا....

مازن : مش فاهم !!

هند: ولا هتفهم... كل جاتوه كل انت شكلك مكلتش بقالك اسبوع....

مازن : اه فعلا انا بقالي فترة مبتغذاش كويس..

هند : مبتتغذاش ليه هو انت دوده...

مازى : قصدي مبكلش كويس..

هند : اه يا حبة عيني تلاقيك كنت بدور على قميص عشان يليق مع الشراب...

مازن : لا مش للدرجة دي ..... بس كنت مشغول فالشغل شوية ، انتي عارفة انا هفتح الشركة بتاعتي قريب باذن الله ....

ام هند : لولولولوي ألف مب**ك يا عرسان ، يلا عشان تلبسوا الدبل..

هند بصوت واطي : جته عرسه تخنقه ، قال عرسان قال ، ده لو **باه في كيس شيبسي مش هيلبس كده... ده ايه الحظ المهبب ده بس ياربي...

لبسوا الدبل ومازن مسك ايد هند وكان هيبوسها ، بس هند سحبت ايدها بسرعة وقالت

-: ايه جو بوس الأيد ده هو انا الست والدتك!!

مازن :لا بس انا بشوف كده فالأفلام بعد ما بيلبسوا الدبل العريس بيبوس ايدها...

هند : دول بطلوا يعملوا كده في الافلام وخلي. بالك منعوا الافلام دي من العرض وبيقبضوا على الي بيتف*جوا عليها...

مازن : ده الي هو ازاي يعني...

هند : اسمعني بس للأخر مش كل حاجه تشوفها تقلدها ماشي ...

مازن : مع اني مش فاهم حاجة بس ماشي....

هند بصوت واطي : ولا عمرك هتفهم صبرني يااااارب.... وخلي اليوم يعدي من غير ما اقتله ...

***************

تاني يوم هند رجعت شغلها عشان اللوا سعد استدعاها هي وحازم عشان يعرفهم هيعملوا ايه فالمهمة الجديدة

اللوا سعد : المهمة المرة دي مختلفة انت وهي هتروحوا تشتغلوا في مكان قريب من تاجر م**رات عشان تراقبوه طول الوقت... وفي نفس الوقت تقربوا منه.. طبعا من غير ما يحس انكم تبع الداخلية...

حازم : ماشي لغاية هنا الكلام معقول...

اللوا سعد : انت هتروح تشتغل فالعمارة الي ساكن فيها تاجر الم**رات ده وكل يوم تكتبلي تقرير مفصل عنه مين بيتردد على شقته وبيعمل ايه وكده...

هند :طيب ده دوره أنا بقى هعمل ايه ؟

حازم : استني ....... بس انت مقولتليش هشتغل ايه ؟

اللوا سعد : بواب هتشتغل بواب

هند ضحكت وقالت

-: تصدق لايق عليك ونسميه برعي البواب...

اللوا سعد : متفرحيش أوي كده مانتي هتكوني مرات برعي البواب...

الاتنين بصوت واحد : نعم!!!! ده على جثتي...

*****************

تاني يوم حازم لبس جلابية وعمه وهند لبست عباية وراحوا عشان يستلموا أول يوم شغل في العمارة .........

هند : تصدق لايق عليك اللبس ده ولله تنفع تشتغل سف*جي..

حازم : هو انا مقلتلكيش اني بعد ما شوفتك بالعباية دي فكرتك بتاعة المناديل الي بتبيع فالأشارات...

هند : ماتلم نفسك بدال ما اقطعلك ل**نك...

حازم قرب منها وقال

-: أحنا حدانا فالبلد الحرمة الي تعلى صوتها على چوزها تستاهل جطع رقبتها....

هند : چوزها !!!! انت جتلي من اهني كفر بالظبط ......بقولك ايه متقولش الكلمة دي في وشي كتير متخلنيش اكرهك اكتر منا كرهاك....

حازم : على اساس اني دايب في دباديبك.... اسكتي شكل الراجل الي هيشغلنا جه اهوه ..

عزت " أحد سكان العمارة " : انتم الي بعتكم مكتب التوظيف ؟

حازم : ايوه يا بيه!!

عزت : تمام طيب اشتغلتوا قبل كده ؟

حازم : ايوه كتير يا بيه...

عزت : طيب كويس... من النهاردة هتستلموا الشغل ، بس مش هوصيكم على العمارة...

حازم : مش محتاجين توصية يا بيه انت هتشوف شغلنا بنفسك...

عزت بص لهند باعجاب وبعدين قال

-: وانتي بقى يا حلوة اسمك ايه ؟

هند : خدمتك زوبة..

عزت : طيب يا زوبة انا عاوزك تطلعي معايا شقتي عشان تنضفيها عشان بقالي اسبوع مش لاقي حد يعملها...

هند : بس أنا...

قاطعها حازم وقال

-: هتطلع يا بيه متطلعش ليه ؟في حد يقول للقمة العيش لأ...

هند بغيظ : طب خليها بعدين احنا لسه واصلين و كنت لسه هفضي الشنط...

قاطعها حازم تاني لما قال

-: شنط ايه الي هتتفضى ده هما جلبيتين بالعدد.... عظيم بيمين لانتي طالعة تشوفي شغل البيه ، متبقيش **ولة من أول يوم...

هند بصوت واطي : ربنا يوعدك بجاموسة هبلة تجريك قدامها زي العبيط...

حازم : بتقولي حاجة يا زوبة...

هند بغيظ : سلامتك يا سيد الرجالة ... انا طلعه اهوه..

هند طلعت ورا عزت الي مكنتش نوياه بريئة اطلاقا

وكانت مضايقة لانها متعرفش تعمل اصلا شغل البيت وكانت كمان من جواها بتتوعد لحازم من الورطة الي حطها فيها...

عزت فتح باب شقته ودخل وقفل الباب وراه

هند : هي..... هي مرات حضرتك فين ؟

عزت : أنا مش متجوز...

هند : اختك أمك اي حد هنا ؟

عزت : مفيش حد غيري انا وانت يا جميل....

عزت قرب منها وعنيه بتلمع....

هند بخوف : بقولك ايه يا راجل انت اتلم وات**ف على سنك ده انا قد بنتك...

عزت : اهدي كده واسمعي كلامي وانا هد*كي كل الي تطلبيه...

هند : استعنا عالشقا بالله يبقى اول حاجة تطلب الأسعاف الأول...

عزت : اسعاف ليه ؟

هند : عشان يلحقوك.... من الي هعمله فيك!!!

بعد نص ساعة الاسعاف كانت تحت العمارة... وناس كتير كانت متجمعة...

وهند نزلت ووقفت جنب حازم الي سألها

-: هما بتوع الاسعاف دول جايين ليه...

هند : لشقة عزت بيه..

حازم بص على رجالة الأسعاف وهما نازلين وشيلين عزت عالنقالة...

حازم : هو جراله ايه ؟

هند : وقعت عليه التلاجة باين... وكان م**م يحط ايده فالخلاط... لولا ستر ربنا اني انقذته..

حازم قرب منها بغيظ وقال

-: انتي اتجننتي عملتي ايه فالراجل...

هند بغيظ : أسكت خالص واقسم بالله لو اجبرتني أطلع شقة اي حد انضف لاروح للوا سعد وانهي المهمة.. وتبقى انت السبب.. وعليا وعلى اعدائي...

حازم : تموتي الراجل عشان عاوزك تنضفيله البيت...

هند : اسكت انت مش فاهم حاجة...

حازم : اوعي يكون الي في بالي هو عملك ايه بالظبط ؟

هند : راوضني عن نفسي يا باشا عجبك كده ...

حازم : نعم!!! دانتي الي مش بعيد الي حاولتي تتحرشي بيه...

هند بغيظ : تصدق اني غلطانة اني بتكلم معاك ، انا رايحة أشوف اي حته اقعد فيها بعيد عن وشك....

حازم : خلاص. خلاص... تعالي متزعليش ، بس انا ولله كنت فاكره راجل محترم وقلت اخليكي تطلعي معاه واهو تتعرفي على مراته. لا اخته وتخدي منها اي معلومات...

هند : لا ما هو طلع عايش لوحده...الله يرحمه كان راجل ناقص.... يلا لو عاش وربنا كتبله عمر اكيد هيتوب بعد العلقة دي...

حازم : هههههه توبتي الراجل...

هند : مبقاش زوبة لو مكنتش اخليه يتوب ويجي يقولي ندمنا على ما فعلنا.....

حازم : عارفك قادرة وتعمليها ....

هند : يشفي الكلاب ويضرك يا شيخ..

حازم : نعم .... مسمعتش بتقولي ايه ؟

هند : عاوزين نتنيل نشوف شغلنا ونعمل حصر للسكان..... عشان نعرف راسنا من رجلينا...

حازم : انتي جرالك ايه حتى الفاظك ول**نك بقى بيئة..

هند : مش زوبة ومرات بواب عاوزني يعني أحط سماعة وأعمل دكتورة ماهو لازم ابقى كده... عشان الشغلانة تتقضي... اكل عيش يعني...

حازم : انا بصراحة كبرعي انبهرت...

هند : ولسه هتنبهر كمان وكمان الايام ياما هتوريك....

تفتكروا هند وحازم هيقدوا يكملوا المهمة بسلام ولا خناقهم وخلافتهم دي الي هتخليهم يتكشفوا ؟ وعزت هيعدي الي حصل بالساهل ولا ناوي لهند على نية سودا؟