مجموعة قصص قصيرة

هو وهى فى مهمة رسمية ٤

الفصل الرابع

روني محمد

(سبحان الله وبحمده سبحان الله العظيم)

في معسكر البنات

تقى : الحمد لله ان محدش عرف اننا الي ورا الي حصل لحمزة ورامي...

سندس : اسكتي الا حد يسمعنا ، وبعدين دانتي عليكي افكار...

تقى : طبعا يا بنتي هو انتي فكراني ايه!!

سندس : المهم ده زمانه دلوقتي بيخطط لمصيبة جديدة ...

تقى : معتقدش ده القائد حازم نفخه امبارح...

سندس : هههههههه أحسن يستاهل...

تقى : بس رامي كان صعبان عليه ، شكله طيب وابن حلال مش زي ابن الأبالسه الي اسمه حمزة...

سندس : هي الحكاية ايه بالظبط احنا وقعنا ولا ايه...

تقى ات**فت وقالت

-: ولا وقعنا ولا حاجة انا هقوم اشوف البنات بتعمل ايه ؟

في معسكر الشباب

حمزة : على اخر الزمن أنا حمزة المنياوي يتعمل فيه كده...

رامي : ويعنى انا الي اترحمت منا اتنفخت زيك .

حمزة :بس مبقاش حمزة لو مكنتش أخد حقي منهم...

رامي : لا بقولك ايه المرة دي عدت على خير المرة الجاية مش عارفين ايه الي هيحصل حازم لو حصل حاجة وهو مش موجود هيدينا مش بعيده فصل من الخدمة..

حمزة : ياعم متبقاش جبان كده.... وهو هيعرف منين يعني هو اصلا مكنش عارف يمسك علينا حاجة... ولو كان متأكد كان حولنا للتحقيق على طول.....

رامي : انت حر بقى بس اعمل حسابك انا برا الليلة...

حمزة بتريقة : ايه خفتي يا بيضة...

رامي : اه خايف على عمري يا خويا الي هيروح بسبب افعالك.... ومقالبك المهببة وبعدين انا فكرت فيها ولقيتها عيبة في حقنا أوي الي بنعمله فيهم....

حمزة بتريقة : ايه يا أبو قلب رقيق وصغير هي الحكاية ايه...

رامي : ولا حكاية ولا رواية انا هقوم اشوف فاضل اد ايه عالأكل....

*********************

في مكان مهجور

واقف اتنين رجالة بيتكلموا....

الراجل الاول اسمه شرف والتاني اسمه مؤنس...

شرف : المرة دي الشغل على كبير يعني عاوزين نزود الكمية شوية...

مؤنس : الحكومة مفتحه عنيها علينا اليومين دول ولو زوردنا البضاعة هيبقى هنزود ناس عشان التوزيع ومش بعيد نتمسك...

شرف :حكاية التوزيع دي بره عنك و متقلقش من الموضوع ده انت كل الي هتعمله تطبخ وتخلى صبيانك تغلف وانا استلمه جاهز عالتوزيع...

مؤنس : بس بردو انا مش مرتاح للموضوع ده ، كنت عاوز اقولك نستنى شهر ولا شهرين. لغاية ما نشوف ايه الي هيحصل...

شرف : شهر ولا شهرين بحالهم لا طبعا انت عاوز توقف حالنا ....... انا قولتلك متقلقش وبعدين انت بتطبخ بس اما انا الي باخد الشغل وبوزع يبقى المفروض انا الي اخاف مش انت...

مؤنس : يعنى انت شايف ان الموضوع مفيهوش قلق...

شرف : اطمن وحط في بطنك بطيخة صيفي... بقولك ايه انت مش ناوي تعرفني سكه المصنع ده بتاعك فين ؟

مؤنس :وانت مالك بيه ؟ ... كل الي يهمك انك تاخد بضاعة مفيش زيها فالسوق يعني من الاخر بتبقى عندي انا وبس....

شرف : انا كنت عاوز أطمن بس.... عشان الا حد من الحكومة يكون أطرك ولا حاجه...

مؤنس : انا محدش من الحكومة يعرف يمسك عليه حاجة الدور والباقي عليك انت...

شرف : لا متقلقش احنا مفتحين عنينا كويس..... ويلا خليني ادوق الصنف الجديد...

مؤنس حط ايده في جيبه وطلع كيس صغير فيه مسحوق ابيض وقال

-: خد أهوه دوق وقولي رأيك ايه ؟

شرف داق المسحوق وقاله

-: لا المره دي الطبخة مظبوطه بالملي ...

مؤنس : يعني عجبتك ؟

شرف :.ألا عجبتني ، ده انا هاخد الكيس ده اض*به وأعلي الدماغ.....

********************

بعد وقت

عند حازم وهند

كان حازم قاعد قدام العمارة ومؤنس جي عليه واول ما شافه اتعرف عليه وعرف ان هو ده تاجر الم**رات لان اللوا سعد وراه صورته قبل كده...

مؤنس معطلهوش اهتمام وكان طالع الا ان حازم ندا عليه وقال

-: باشا... باشا

مؤنس : نعم!!

حازم : محسوبك برعي الي هبقى المسئول عن العمارة بعد كده لو احتجت ايوتها حاجة ابقى بلغني...

مؤنس بصله من فوق لتحت وبعدين قال

-: ماشي يا برعي...

وراح مكمل طريقة وطلع لشقته.....

حازم لسه كان هيرجع لكرسيه بس اتفاجأ لما لقى بنت وولد طالعين العمارة وبيضحكوا بصوت عالي وهو حاطط ايده علي كتفها...

رجع قعد مكانه وهو بيقول بصوت واطي

-: ده ايه العمارة الي ما يعلم بيها الا ربنا دي ده أنتو عاوزين يتولع فيكم بجاز....

هند قاطعته : اطلبلهم بوليس الاداب يا باشا ...

حازم : ولله لو مكناش في مهمة ومش عاوزين نتكشف كنت قبضت عليهم بنفسي ونزلتهم بالملايات.....

هند : ألا قولي صح مفيش اخبار عن الي اسمه عزت...

حازم : جه من شويه ولم هدومه ومشى... خليتي الراجل يعزل من الي عملتيه فيه...

هند : يلا بلاش قرف... العمارة دي لازم تنضف..

حازم : هتنضف على ايد*كي ان شاء الله....

بعد اسبوع

حازم وهند كانوا شغالين باستمرار طول الوقت بيراقبوا الي اسمه مؤنس بس لغاية دلوقتي مش عارفين يدخلوا شقته ، عاوزين يمسكوا عليه اي دليل...

هند : الراجل ده غريب بكل المقاييس ، قاعد فالشقة لوحده... ومفيش حد بيزوره نهائي...

حازم : ونسيتي انه مبينزلش من الشقة غير باليل ، ويرجع وش الصبح...

هند : طب المراقبة الي احنا حطناها عليه مقلتش بيروح فين ؟

حازم : بيسهر في كبارية وبيخلص سهرته ويرجع...

هند : امال بيتنيل يطبخ السم ده أمتى وفين؟

حازم : هو ده الي انا عاوز أعرفه... شقته ومبيفرقهاش غير عشان السهر والكبارية مفيهوش حاجة يبقى مفيش غير الشقة لازم ندخلها بأي طريقة...

هند : منا زي ما أنت شايف عرضت عليه اطلع اانضفها بس هو رفض...

حازم : انا بكره هستناه لما ينزل وهطلع ادخل الشقة من السلم الداخلي واكيد دخولي للشقة ده هيحل ألغاز كتير....

قاطعهم صوت صراخ احد السكان...

السيدة اسمها احلام : اه يا راجل يا زبالة بتخوني انا مع البتاعة دي...

حازم طلع يجري هو هند على صوت الصريخ

حازم : في ايه يا ست بتصرخي ليه ؟

احلام : الراجل الدون بعد ما لميته وادتله فلوسي وخليته بني آدم راح اتجوز عليه البتاعة المصدية دي...

جوزها رد وقال

-: لمي نفسك يا احلام انا مش عاوز امد ايدي عليكي...

احلام : تمد ايدك على مين يا راجل يا حرامي يا مرتشي وديني لأبلغ عنك ، خليهم يجوا يقبضوا عليك وعليه وعلى اعدائي بقى...

قاطعتهم هند وقالت

-: صلاة النبي أحسن.... هو الباشا بيشتغل ايه ؟

حازم بصوت واطي : اسكتي انتي هتكشفينا..

احلام :بيشتغل موظف بالضرايب... ومرتشي بياخد فلوس من الناس عشان يطرمخ عالفلوس الي عليهم والبلد مطلبهوش بيهم

... ده غير ان ليه شغل تاني كده

قاطعها جوزها لما قال

-: اسكتي يا احلام وتعالي نتكلم جه والي انتي عوزاه أنا هعملهولك...

هند : لا انتي هتسكتي كده وتعديهاله ويرجع يجوز عليكي تاني وتالت لا انتي تطلعي عالقسم وتبلغي عنه وحقك هيجيلك بالقانون ..

حازم بصوت واطي : يخربيتك هتودينا في داهية...

هند : الله مش بساعد الست...

احلام : امال انتي مين يا ختي اول مرة أشوفك...

هند : انا زوبة لو أحتجتي اي حاجة انا في الخدمة.... بصي انا ممكن أشهد معاكي... بس تعالي نخش جوه كده نتكلم بال*قل واكيد هنوصل لحل....

احلام بصتلها من فوق لتحت وقالت

-: تلاقيكي واحدة من الي المعدول كان يعرفهم عليه ... واتغاظتي لما سابك ولاف على غيرك...... ماهو زوقه رخيص وكان يحب الشغلات زي عنيه...

هند : شغلات!!!! ماتلمي نفسك يا وليه يالي مش بينلك وش من قفا ... ب*عرك الي شبه العنكبوت ده..

احلام بغيظ : انا عنكبوت ....وديني ما هسيبك انا لازم أربيكي على الى قولتيه ده...

حازم : خلاص يا جماعة يلا بينا احنا يا زوبة ملناش دعوة....

هند : ولله يا سي الاستاذ ما ليك عليه يمين ان ربنا نجدك من الوليه القرشانه دي ، طلقها وأرمي عليها اليمين واخلص... ولو حبيت تروح تعملها محضر انا هشهد معاك...

احلام : اه يابت ال ****

هند قربت من احلام وكانت لسه هتض*بها حازم ادخل بسرعة وقال

-: ما دخل مراتك يا راجل انت وتسكتها بدل مانت واقف وسطينا زي عمود النور الخربان ولا منه منور ولا منه موسعلنا الطريق ...

هند : سبني عليها الولية دي اقرقشها بسناني.....

هند هجمت على احلام

احلام : ااااه يا بت العضاضة وربي لأوريكي الي عملتيه فيه...

هند : دي ساعة كده بسيطة عشان تبقي تفتكريني بيها.....

حازم : خلاص بقى يا زوبة احنا ملناش دعوة هما يحلو مشاكلهم بنفسهم ان شالله يولعوا في بعض....

حازم اخد هند ونزلوا وبعدين ابتسم وقال

-: لا بجد طلعتي نبيهه.. لولا العركة مكناش هنعرف نشوف الشقة من جوه....

هند : اخدت بالك من الفتحة الي فالسقف....

حازم : اه طبعا ، الشقة دي الي تحت مؤنس على طول اكيد بيعملوا فيها حاجة...

هند : يبقى الراجل ده أكيد شغال معاه ....

حازم : صح كلامك معقول .... انا لازم ادخل الشقة دي بأي طريقة....

هند: ودي هتعملها ازاي بس

حازم : السلم الداخلي الي بيطل عالمطبخ هطلع بحجة اني بنضف ولا بعمل اي حاجة وهحاول ادخل الشقة...

هند : طيب ربنا يستر ، وانا هفضل قاعده هنا ارقبلك الطريق عشان لو حد رجع...

حازم : ماشي ينزل بس وربنا يحلها... انهارده لازم كل حاجة تنتهي....

فعلا حازم استنى لما مؤنس مشى وطلع يتسحب من السلم بتاع المطبخ ، وهند كانت قاعدة عشان تراقب الطريق ، حازم وصل لباب المطبخ وفتحه بصعوبه بعد وقت ودخل الشقة ولف فيها عشان يدور على اي دليل يدين مؤنس بس ملقاش حاجة شال السجاد وحاول يدور على اي حاجة او فتحة في الأرض عشان توصله للشقة الي تحتها بس معرفش ، رجع كل حاجه زي ما كانت وكان خلاص هيمشي الا انه اتفاجأ لما سمع صوت جي من وراه بيقول

-: انت بتعمل ايه هنا ودخلت ازاي ؟

ساعتها حازم انتفض ورجع لورا و......

تفتكروا مين صاحب الصوت ؟ وياترا حازم هينجح في مهمته ولا هيفشل ؟

انتظروني بالحلقة الجديدة.

روني محمد