مجموعة قصص قصيرة

هو وهى في مهمة رسمية ٢

الفصل الثانى

( اللهم لك الحمد كما ينبغي لجلال وجهك وعظيم سلطانك)

كلهم خرجوا وسابوا هند ومازن الي قال

-: أحم..... هو انتي لسه بتشتغلي فالجيش...

هند : اه ومش ناوية استقيل..

مازن : حلو أوي انا بحب الست الطموحة.... انا كمان الحمد لله ربنا كرمني وهفتح مكتب هندسة هنا...

هند : هنا الي هو في مصر يعني ؟

مازن :اه... اصل بصراحة انا نويت استقر هنا....

هند :أنا بقول تاخد بعضك وتسافر ....... البلد هنا بقت زحمة اوي ومتطقش ده حتى الا**جين خلص وبدأنا نستورد...

مازن : ا**جين ايه الي خلص !!!

هند : ما تخدش في بالك... المهم متفكرش انك تعد هنا كتير...

مازن :انا خلاص صفيت شغلي هناك...... المهم خلينا نتكلم عن نفسنا شوية ....

هند :اتكلم هو انا مسكاك بس بايجاز لاني مصدعة...

مازن :أحم طب ايه رأيك فيه ؟

هند : زفت طبعا

مازن : نعم!!

هند: لأ قصدي على القميص ده مش لايق بصراحة مبقاش حد بيلبس قمصان اورانج انقرضوا...

مازن : انا قلت لماما كده وهي الي **مت انا كنت ناوي ألبس القميص الأصفر كان هيليق أكتر...

هند : لا بصراحة كنت هتبقى ايه اخر شياكة مع الجزمة الزرقة دي والكرفت كمان ازرق ماشاء الله فانتاستك ... ده انت لو سافرت اي بلد أوربيك كده هيعملولك تمثال... وتبقى عبرة لمن لا يعتبر...

مازن : اه منا مطقم الجزمة مع الكرافته والمنديل لو تاخدي بالك...

هند : أخدت بالي بصراحة... هو انت عندك كام سنه ؟

مازن : ايه يا هند انتي نسيتي انا يادوب أكبر منك بسنه واحدة يعني عندي واحد وتلاتين...

هند: طيب مش شايف انك صغير عالجواز..

مازن : صغير ايه دا ماما قالتلي ان كل اصحابي الي فسني اتجوزوا...

هند : تؤ تؤ ماما بتضحك عليك سن الجواز دلوقتي بقى من الاربعين وطالع...

مازن : بجد!!

هند : اه امال ايه يلا روح دلوقتي وهستناك كمان عشر سنين... وعالاقل تكون جهزت نفسك....

مازن : هند انا بحبك ومش هستنى كل ده...

دخلت ام هند ساعتها وقالت

_: واحنا كمان مش هنلاقي عريس أحسن منك لبنتنا لو لولولولي

هند ادبست فالجوازة لما الكل اتجمع وحددوا الخطوبه بعد اسبوعين.. بس من جواها كانت ناوية انها هتوري مازن النجوم بتطلع منين....

*****************

تاني يوم رجعت هند لشغلها ومهمتها الي اللوا سعد خصص ليهم مكتب في الجهاز عشان تقدر هي وحازم يشتغلوا فيه بعيد عن المعسكر.....

بدأوا الشغل على القضية في سرية تامة وبدأ كل طرف يجمع المعلومات من ناحيته ويربطوا التفاصيل ببعض.. وفي وقت قصير قدروا انهم يعرفوا أسم الجهاز " اللاب توب " الي اتنقل عليه المعلومات ، بس مكنش فاضل غير يعرفوا الجهاز ده فين وبتاع مين ، بدأوا يعملوا حصر لأجهزة اللاب توب الي موجوده فالمبنى الي شغالين فيه وفعلا قدروا يعرفوا مين ورا الي بيحصل وانه كان لوا متقاعد ، طلع معاش لانه اتمسك بقضيه رش*ه ولولا سجله المشرف كانوا سجنوه...... فحب ينتقم من كل زمايله بانه يسرب المعلومات من الجهاز ويغتالهم.

اللوا سعد : بجد انتم الاتنين اثبتوا كفاءتكم وتستهلوا تكريم كمان...

هند : حضرتك احنا معملناش غير واجبنا...

اللوا سعد : بس برافوا عليكم انكم في أقل من اسبوع قدرتم توصلوا للوا حلمي الي كان السبب في تسريب المعلومات دي وكمان لولا انتم كنا خسرنا ارواح أكتر....

حازم : بتمنى اني اكون ديما عند حسن ظن حضرتك...

اللوا سعد : بما انكم خلصتم المهمة دي على خير فأحب اقولكم ان في مأمورية جديدة لازم تطلعوها وهتشتغلوا بردوا انتم الاتنين عليها....

حازم : انا بعترض سياتك انا خلاص مصدقت حليت القضية...

هند : وانا بصراحة كنت بشيل هم ان بصطبح كل يوم بوشه...

اللوا سعد : انتو رجعتوا تاني لشغل العيال ... المهم انكم اثبتولي انكم شغلكم مع بعض كفريق كويس جدا ومخيبتوش ظني... بصرف النظر انكم مش طايقين بعض دي حاجة متخصنيش...

حازم : متخصكش ازاي بس حضرتك متعرفش انا بعاني معاها قد ايه ؟؟

هند : بتعاني الي هو ازاي يعني كنت بتاكلني ولا بتشربني ؟

حازم : ليه اتشلتي !!

هند : بعد الشر عليه انشالله عدويني...

حازم : بقولك با باشا انا همشي بعد اذنك لان لحظة كمان وهفجر المبنى بالي فيه...

هند : شرف*نا يا باشمندس متبقاش تقطع الجوبات. ......

ا

اللوا سعد قعد بتعب وقال

-: الله يخربيت اليوم الي ادخلتوا فيه شرطة وبقيتوا تحت اشرافي.... اعملي حسابك انتي وهو انا راجل كبير وعندي القلب ومش هستحمل الي انتو بتعملوه ده وكلامي هيتنفذ بالحرف الواحد أمر شغلكم مع بعض جي من جهات عليا مش هنقدر نخالفها....

حازم :بس يا فندم..

اللوا سعد : يلا كل واحد على معسكره واسبوع بالظبط وهبلغكم عن المعلومات الكافيه الخاصة بالمأمورية الجديدة ...

هند بصوت واطي : يا مصبر الوحش عالجحش....

حازم مسكها من قفاها وقال : عيدي كده كنتي بتقولي ايه ؟

اللوا سعد : برااااا أطلعوا برااااا

**************

تاني يوم هند كانت في معسكر البنات وكانوا كلهم بيدربوا ، وسمعوا صوت اغاني عالي جي من أوضة الحراسة الليلية ... الكل جرى على هناك واتفاجأوا لما لقيوا تلات بنات طالعين من هناك وماسكين كاست كبير ومشغلين اغنية شعبية وبيرقصوا عليها

هند بغضب : بااااس ايه الق*ف ده...

الغريب بقى ان البنات الي كان اسمهم ( أمل - تقى - سندس) مكنوش طبيعين شكلهم شاربين حاجة هند شدت الكاست وقعته فالارض وواحدة من البنات الي كانوا بيرقصوا قالت

-: ليه كده يا أبلة مش كنتي فكيتي كده وفرفشتي معانا بدال مانتي شبه الراجل الجبس...

ردت تقى وقالت : لا راجل جبس ايه دي عندها ثقب في شخصيتها ههههههه

ردت سندس : يا عيني وهو الثقب ده بيجي من ايه

أمل : تلاقيها باتت من غير غطا ولا حاجة

هند بغضب : خلاص خلصتوا سخافة... ممكن أعرف ايه الي بتعملوه ده ؟

تقى : لأ لسه فوتوا علينا بكرة...

كل البنات الي في المعسكر كانوا بيحاولوا يكتموا ضحكهم خايفين من رد فعل القائد بتاعهم هند

هند اتكلمت بغضب : حد يجبلي ميه بتلج بسرعة

أمل : اه والنبي يا أبلة الجو حر أوي...

هند وقفت التلاته جنب ببعض ودلقت فوق دماغهم ميه بتلج عشان يفوقوا....

بعد ما فاقوا... هند سألتهم

_: ممكن أعرف ايه الق*ف الي عملتوه ده مش معنى اني مصحباكم وبعاملكم باللين انكم تعملوا كده!!! ... ايه الي وصلكم للحالة دي؟

امل : أصل.... أصل....

هند : انطقي بسرعة عشان كلمة كمان وهعرضكم للتحقيق... وخلي القيادات تتصرف معاكم...

سندس : لأ ارجوكي انا لسه منقولة جديد ولو اتعرضت للتحقيق هيأثر على ترقيتي....

تقى : ولله الموضوع كان غصب عننا...

هند : ايه الي حصل ؟

التلات بنات بصوا لبعض وبعدين قالوا

-:حمزة!!!!

أمل : الرائد حمزة السبب هو الي عطانا ازازة عصير شربناها وبعدين حسينا اننا طايرين وحصل الي حصل...

هند بغيظ : اه يا حمزة الكلب انا هوريك...

وانتم من أمتى بتاخدوا حاجة من المعسكر التاني!!! ... هو مش انا قلت اكتر من مره مفيش تعامل خالص ولا حتى ترموا السلام...

سندس : احنا أسفين ولله دي اخر مرة....

هند : تفتكروا انا بعدي حاجة من غير عقاب ؟

التلاتة بصوا لبعض وهزوا رأسهم بلأ

هند : يلا كل واحدة فيكم هتقوم تلف المعسكر كله 10 مرات وتجيلي عشان اقولها تعمل ايه...

سندس : ماشي انا موافقة...

أمل : اسكتي انتي مش فاهمة حاجة...... ارجوكي خلينا نجري لوحدنا...

هند : تؤتؤ ودي تيجي لازم حد يسليكم... وينشطكم كمان........يلا تلات ثواني واستعدوا للأنطلاق...

التلات بنات قاموا وقفوا عشان يجروا ولكن هند وقفت وراحة ناحية بيت الكلاب واخدت اكبرهم اسمه ما** كلمته بهدوء وعرفته هيعمل ايه... وبعدين صفرت والكل جرى وما** وراهم..

أمل : شوفتوا اهو احنا اهو مش لوحدنا..

تقى : يالاهوي يا لاهوي ده كلب ده ولا أسد..

سندس : ده قرب يجي عليا استنوني ..... يا صغيرة عالهم يا سندس هتموتي بعضة كلب بدال ماتموتي فالحرب ....

أمل : ليه انتم مفكرين انكم هتعيشوا بعد أول لفه ااااااه يالاهوي كان هيمسكني...

تقى : وجعلنا من بين ايديهم سدا ومن خلفهم سدا فأغشيناهم فهم لا يبصرون.... يارب اعميه عني وميشفنيش...

سندس : اااه مش قادرة هو فاضل كام لفة...

تقى : لفينا 6 وباقى اربعة انا خلاص هموووت....

الكلب كان خلاص قرب من أمل وكان هيمسكها... لولا صوت هند الي صفرت بطريقة معينه خلته يقف وجرى عليها وقعد تحت رجلها.....

**********************

حمزه كان واقف يتكلم مع زميلة اسمه رامي

حمزة : مفيش أخبار عن معسكر البنات يعني ؟

رامي : مش عارف انا من ساعة ما سمعت صوت الأغاني الصبح وشوفت البنات بترقص على اغنية عايم في بحر الغدر وبالسلاح وانا فصلت ضحك لدرجة كنت هقع من عالشجرة...

حمزة :ههههههه يلا يعيشوا وياخدو غيرها.... بس يعني الي اسمها هند ولا جت بلغت القائد ولا اشتكتله زي كل مرة...

رامي : معهاش دليل ايه الي يثبت أنك حطيت حبوب الهلوسة فالعصير.....

حمزة : اه منا كنت هقول كده فعلا ، ياما كان نفسي أشوف الي اسمها هند دي هتعمل ايه لو خدت حبوب الهلوسة....

رامي : دي هتبقى هزق خالص...

حمزة : هههههههه اه ولله تخيل كده وهي ماسكه السلاح وبترقص على واحدة ونص....

رامي : ههههههههه ده أحنا نصورها فيديو ونسميه فيديو الموسم...

حمزة : لا احنا مفيناش من تصوير وفضايح ..... احنا نهزر ...... نقلش ..... نعمل مقالب بس تصوير وفضايح لا....

حمزة ورامي كانوا واقفين بيهزروا ويضحكوا ومكنوش واخدين بالهم عن الي واقف يراقبهم وسمع كل كلامهم وفجأة حمزة ورامي اض*بوا على دماغهم والاتنين وقعوا في الأرض وأغمى عليهم....

مين عمل كده في رامي وحمزة ؟

لما الصبح يطلع ويلاقوا حمزة ورامي متعلقين عالشجرة حازم هيكون رد فعله ايه ؟

تفتكروا هند لما تشوف مازن لابس القميص الفسكوز يوم الخطوبة هتعمل ايه ؟؟

انتظروني بالحلقة الجاية...

روني محمد