وحش الداخلية ٢

1465 Words

الفصل الثانى روني محمد بعد أسبوع أدهم رجع لشغله الي كان غايب عنه بسبب مرضه لما وصل ركن عربيته وكان طالع مكتبه اتقابل هو ورنا عالسلم ، فالأول بصلها بغيظ واتجاهلها تماما عدى من جانبها وسابها وكان طالع ، بس هي ندهت عليه رنا : أ أ أستاذ قصدي حضرة الرائد أدهم ممكن تستنى لحظة!! وقف أدهم في مكانه من غير ما يبصلها وقال -: نعم!!! رنا : أنا كنت عاوزة أعتزرلك على الي حصل في المهمة الأخيرة ، بس بوعدك انها مش هتتكرر وهتكون أخر مرة... لف وبصلها بغيظ وقال -: هو انتى متخيلة ان لسه فى مرة تانية ! -: ايوه على فكرة انا من وقت المهمة الاخيرة وانا بدرب وكمان رحت لدكتور عشان اتعالج من الفوبيا الى عندى من المية رد أدهم عليها بضيق وقال -: طيب كمل طريقة لمكتبه واتفاجأ بصديقه حاتم ماشي بيعرج برجله ، استغرب أدهم وسأله -: هو في ايه مالك ايه جرالك ! حاتم بحزن: أسكت يا أدهم متفكرنيش ده كان يوم مهبب يوم ما دخلت شرطة.. أدهم : هي مين دي قصدك على مين ؟ حاتم : ومين غيرها ربنا ينتقم منها ومن أبوها اللوا طارق .. دول مش هيرتاحوا غير لما يخلصوا على رجالة الجهاز كله .. أدهم :هههههههههه طب وطي صوتك وتعالا جوه فالمكتب نتكلم.. وأحكيلى جوه حصل ايه ! دخلوا الاتنين المكتب وأدهم قفل الباب وراح قعد على كرسيه ورا المكتب اما حاتم فقعد قصاده وقال -: البت دي لو كملت معانا هتخلص على كل الى بيشتغلوا فالجهاز ، انا عندي أعد فالبيت أخرط بصل ولا أني أشتغل معاها تاني -: هههههههههه يا عيني عليك قولي عملتلك ايه -: تصور ان اللوا طارق جبهالي وقلي خليها تدرب وتبقى تحت قيادتك عقبال ما أدهم يرجع.. اوم ايه انا قلت نبدأ بالنشان ، واخدتها ورحنا وياريتنا ما روحنا أدهم : ليه ايه الي حصل حاتم : دي حولة بدال ما تنشن عالهدف نشنت عليه مع أني كنت واقف جمبها.. أدهم : ههههههههه أنا قلت بردو ان البت دي ملهاش فالشرطة حاتم : عارف قالتلي ايه بعد ما اتصابت أدهم : قول اشجيني حاتم بصوت رفيع وهو بيقلد رنا : قالتلي سوري أصل في دبانة كانت واقفة عالمسدس ولغبتطني ... تخيل كنت هموت بسبب دبانة... قام أدهم من كرسيه وراح خبط على كتفه وقال -: تعيش وتاخد غيرها يا بطل. حاتم : أعيش ايه .... هي البت دي لو فضلت معانا هتسيب حد عايش دي هتخلص علينا واحد واحد ، انا شاكك انها تكون من الأعداء أدهم : هههههههههه أحنا بس أستحملنا وعدينا الي فات عشان جمايل اللوا طارق علينا ، انما طالما وصلت لكده يبقى يقدملها في معهد الباليه.... حاتم : صح عندك حق انا هقوم أقوله ان بنتك متنفعش فالشرطة روح قدم لها في معهد الباليه أدهم : شاطر يلا كده خليك شجاع وروح خبط على مكتبة وقوله الكلام ده... حاتم : هو انت فاكرني هخاف ولا هخاف يعني انا بس رجلي وجعاني هريح بس شوية واقوم... ادهم : لا.. لا قوم بلاش دلع.. روح قوله وانت هترتاح خالص بعدها.. قطع كلامهم صوت خبط عالباب الي اتفتح بعد ثواني وكان اللوا طارق ، ادهم بص لحاتم وكان هيضحك من منظره ... وشه بقى ميت لون... اللوا طارق : مالكم ساكتين ليه ؟ ادهم : اصل حاتم كان لسه رايح لسيادتك المكتب... اللوا طارق : خير يا حاتم.. حاتم بص لأدهم بغيظ وقال حاتم : خير... خير ان شاء الله ... أنا كنت جي أقول لحضرتك ان بنت سيادتك هتكون من أكفئ الظباط باذن الله .. دى حتى كمان هتكون احسن منى انا شخصيا .. اللوا طارق قرب منه وحط ايده على كتفه وقال -: وده عشمي فيكم ، أنا عارف انها متهورة شوية وطايشة بس هتتعلم.. ان شاء الله هتتعلم... حاتم بهمس : طبعا هتتعلم لما تجيب أجلنا كلنا وتخلص علينا واحد واحد... اللوا طارق كمل كلامه وقال -: انا جايلكم دلوقتي عشان في مهمة جديدة هكلفكم بيها والملازم رنا هتكون معاكم حاتم بص لأدهم وأفتكر وجع رجله وكان هيعيط ... أدهم سبقه بالكلام وقال -: بس يا فندم احنا الاتنين طول عمرنا بنشتغل من غير مساعدة حد وكنا بننجح قاطعه اللوا طارق وقال -: أنا أخترتكم بذات وخليت رنا تكون معاكم عشان واثق من نجاحكم وعاوزها تتعلم وتاخد من خبراتكم... أدهم رفع ايده وقال -: بس أنا بعترض... اول عملية دخلتها معايا طلعت عيني عشان تنط والمبنى انفجر واحنا جواه... اللوا طارق : ده أمر ومفيش رجوع فيه ، وبعدين انت طول عمرك ضابط منضبط عمرك ما خلفت الأوامر ،، وطالما الأمر جالك ان الملازم رنا هتكون معاك يبقى هتكون معاك... حاتم بص لأدهم الي وشه أحمر من الغيظ وقال -: الي تشوفه سيادتك ايه هي العملية الجديدة الي هتكلفنا بيها.... اللوا طارق : جتلنا اخبارية ان فيه شحنة سلاح هتتهرب بره مصر عن طريق مراكب النيل الي هتوصل لغاية أسوان ومن أسوان هيكون في عربيات هتنقلها للسودان... ادهم : ودي هتكون امتى ؟ اللوا طارق : ما هو ده الي مطلوب منكم احنا منعرفش اي معلومات عن الشحنة غير خط سيرها بس انما أمتى وفين دي بقى مهمتكم. حاتم : طب واحنا هنعرف منين ما النيل مليان مراكب.. اللوا طارق : ولله دي مهمتكم انك تتابعوا جميع المراكب الي فالنيل وتعرفوا خط سيرها وتشوفوا هتوصل لغاية فين... حاتم : واحنا هنبدأ امتى من الكلام ده ؟ اللوا طارق : انتو هتسافروا انتم التلاته لأسوان وتتابعوا شغلكم من هناك ، انا كلمت رنا وفهمتها على كل المعلومات الي قوتهلكم ، وهي راحت دلوقتي تحضر شنطتها.. ادهم بغيظ : هي يعني لازم تكون موجودة !!! اللوا طارق : ادهم وبعدين ما قلنا خلاص لازم تكون موجودة وصدقني المرة دي بجد هتثبت شجاعتها وذكاءها في تولي المهمات الصعبة.. اتكلم حاتم بصوت واطي وقال -: ذكاءها معتقدش انه يكون عندها ذكاء اصلا... اللوا طارق : بتقول حاجة يا حاتم ؟ رد حاتم بسرعة وقال -: الي تشوفه طبعا حضرتك... اللوا طارق : طيب انا هسيبكم تجهزوا ومانسوش طيارتكم هتكون على 6 المغرب... في أسوان أدهم وحاتم ورنا وصلوا الفندق الي كان محجوز لهم فيه بأسماء وهمية بأنهم سياح جم عشان يزورو أسوان... وبعد ما العامل وصلهم الشنط وسبهم هما التلاته واقفين قدام الأوض بتاعتهم الي كانت جنب بعض فأدهم وحاتم كانو الاتنين مع بعض في أوضة ورنا ليها أوضة لوحدها ، ادهم كان مش طايق رنا هو حاتم طول الرحلة الي كانت عاملة زي الطفل الصغير ومش مبطلة أسئلة واستفسار عن المهمة و عن أسوان الي أول مرة تزورها... وأول ما العامل بعد عنهم أدهم أدلها المفتاح وقال بق*ف -: أتفضلي دي أوضتك ..... ولما نعوذك هنكلمك... ردت رنا عليه وقالت -: طيب لما أحب أكلمك اتصل على ايه ؟ ادهم : وانتي هتكلميني ليه ؟ رنا : عشان اعرف أحنا هنبدأ المهمة أمتى ؟ أدهم : انا هبقى أكلمك... وراح موجه كلامه لحاتم وقال -: يلا يا حاتم عشان انا تعبان وعاوز أنام.. استغرب حاتم وقال -: نوم ايه... هو أحنا جايين عشان ننام ؟ ادهم ضغط على اسنانه بغيظ وقال -: هنااااام يا حاتم... ولما نصحى نبقى نشوف هنعمل ايه الدنيا مش هطير... فتح أدهم باب اوضته وخد شنطه ودخل ووراه حاتم وقفلوا الباب ، ورنا كانت واقفة متغاظة من تجاهلهم ليها.... ادهم بعد ما دخل الأوضة حط شنطه فالأرض وأخد الشنطة الصغيرة وفتحها وطلع منها جهاز واعد عالسرير وفضل يركبه والجهاز ده كان عبارة عن منظار كبير... كل ده وحاتم كان واقف يتف*ج عليه لغاية لما أدهم خلص وراح ناحية البلكونة الي كانت بتطل على النيل والمفروض ان المكان الي قصاد الفندق ده الي المراكب الي هتكون محملة بالسلاح هتقف فيه عشان تتشحن على عربيات وتتنقل للسودان ....ثبت المنظار على الأرض وفضل يظبط زاوية الرؤية ..... حاتم : ايه التفاصيل بقى الي كنت مأجلها لما نوصل ؟ ادهم وهو لسه شغال على المنظار عشان يظبط الرؤية كويس ويشوف أكتر مكان مناسب شوف منه كويس قال -:أسهل عملية طلعناها بس مش معنى كده اننا نهمل ونتكل على بعض والدنيا تبوظ... حاتم : سهلة!!! اشك في كده... طب قولي بتفكر في ايه ؟ ادهم : ولا حاجة احنا المطلوب مننا الي كل واحد فينا يستلم الكرسي ده الي قدام المنظار لمده 12 ساعة ،، يعني هنقسم اليوم بيني وبينك ونراقب حركة المراكب فالنيل ونشوف الي يلاحظ حركة غريبة فالنيل يبلغ التاني وساعتها نتأكد اذا كان هما فعلا تجار السلاح ولا لأ ولو هما هنقبض عليهم متلبسين وساعتها هتنتهي القضية... حاتم : طب ورنا ! ادهم : هعملها ايه يعني؟ حاتم : هي مش المفروض انها جاية عشان تشتغل!؟ ادهم : بقولك ايه بلاش وجع دماغ انت وأنا عارفين انها ملهاش لازمة بنا وبعدين دي غ*ية لما بتدخل أي حاجة بتبوظها يبقى بلاشها أحسن.. حاتم ضحك وقال : ولله عندك حق طيب قوم انت نام وانا قاعد وكام ساعة هصحيك تستلم مني.... أدهم دخل الاوضة تاني ونام وحاتم كان قاعد يراقب ، وبعد خمس ساعات حاتم جه يصحي أدهم بسرعة حاتم : أدهم قوم بسرعة!!! أدهم بقلق : ايه.. في ايه ؟ حاتم : رنا أختفت!!! أدهم : وانا مالى تختفى ولا تظهر سيبك منها وركز عالمنظار .. ادهم كان هينام تانى الا ان حاتم شد منه المخدة وقال -: ادهم رنا شكلها اتخ*فت .. يتبع بقلمي روني محمد تفتكروا رنا جرالها ايه ؟ الي عاوز يعرف باقي القصة يستني الجزء التالت بكرة باذن الله ...

Free reading for new users

Scan code to download app

App Store Google Play

Facebookexpand_more