هو وهى فى مهمة رسمية ١

1598 Words

الفصل الأول -: حازم حازم ألحق يا حازم حازم : في ايه الله يقلق منامك زي ما أنت قالقني كده نفسي في مرة أنام ومصحاش ألاقيك جايبلي مصيبة... حمزة ده بقى يبقى أقرب صديق لحازم وفي نفس سنه تقريبا ولكن هلاس أخر حاجه وبيحب الستات زي عنيه..... حمزة : ياخي المرة دي مش مصيبة دي كارثة قوم أجري اتصل بالبوليس.. حازم : نعم يا روح أمك أمال احنا ايه! حمزة : أحم نسيت معلش... حازم : أخلص وهات من الأخر في ايه... حمزة : البنات... مولعنها ناااااار حازم : ما تلم نفسك يا حيوان وايه الي يود*ك عند معسكر البنات.... حمزة : انا مروحتش ولله ده ريحتم هي الي جت لغاية عندنا... حازم : ياعم قول كلام يتعقل ريحتهم ايه...... ليه رشوا. ايه يعني لده كلو.. حمزة :لا ما هما مرشوش انت مش فاهم قوم شوف بنفسك.. هووووب النور قطع صلاة النبي أحسن... ده أحنا لسه هنشوف البدع... حازم : قطع ازاي والمولد شغال هو في حد لعب فالمولد.. حمزة : ماهو انت مش فاهم عمال أقولك مولعنها مولعنها وانت مش مصدق.. حازم : يعني ايه مولعنها بيرقصوا يعني ولا عاملين حفلة عالمولد بتاعنا... حمزة :لأ حريقة يا حازم حريقااااااه.. حازم : حريقة!!! حريقة ام نار حمزة : اي نعم أجري يا حازم عشان نطفيها... حازم : الله يخربيت البنات والي بيجلنا من معسكر البنات... بقلمي روني محمد ******************** حازم كان واقف قدام رئيسة معسكر البنات الي كان أسمها هند وكانوا بيتخانقوا دخل عليهم اللوا سعد الدمنهوري ، بعد ما أدوا التحية العسكرية حازم كان غضبان وقال -: حضرتك ده اهمال ولا يمكن يتسكت عليه ... مش كل يوم يجلنا مصيبة شكل من معسكر البنات... حضرتك ممكن تنقلهم بعيد عننا او في محافظة تانية يكون أفضل... هند اتكلمت بغيظ وقالت -: مصيبة ايه الي احنا بنعملها ، روح أتشطر على الرجالة الي عندك الي قلعوا هدومهم وقلبوها مسخرة امبارح عند السياج بتاعنا ، وواحد منهم نط عندنا قال ايه عشان يجيب الكورة.... بقلمي روني محمد حازم بغيظ : بصوت واطي اه يا حمزة الكلب .... وبعدين علا صوته وقال -: لا انا رجالتي متعملش كده عموما انا هشوف مين الي غلطان واحسبه انا مكنتش موجود امبارح لسه راجع من الاجازة النهاردة... همس كانت عاوزة تستفزه وقالت : طالما بقى مش عارف تسيطر على رجالتك يبقى تنقلوا من جنبنا وتروحوا اي محافظة تانيه.... حازم كان لسه هيرد الا ان اللوا سعد وقفه لما قال -: يا جماعة الي بتعملوه ده مينفعش انا حاسس اني واقف في وسط اتنين عيال بيتعاركوا...... لو في حد فيكم مش عاجبه معسكره ياخد بعضه وينقل مع فريق تاني..... حازم بغيط : بعتزر من حضرتك يا فندم بس أنا مش جي عشان انقل معسكري انا جي وبطلب بحقنا في الخساير الي سببتها الحريقة الي في معسكر البنات .. هند : كنت عاوزنا نعمل ايه يعني ما النار حرقت هدمومنا وحاجات كتير من حاجاتنا يعني الضرر عندنا أكبر... حازم : مش ذنبنا ان السنيورة قامت جعانة باليل ونسيت الاندومي عالنار.. هند : لو سمحت انا مسمحلكش ، دي مكرونة مش اندومي -: تسمحي ولا متمسحيش أنا ميخصنيش الكلام ده.. انا عاوز تعويض عن التلفيات الي انتو عملتوها ، وبعدين دي مش اول مرة... اللوا سعد بغضب : أنا لولا ان ابهاتكم كانوا زمايلي واني عامل حساب للعيش والملح انا كنت جرتكم من رتابكم حالا وحولتكم للتحقيق... هند : انا اسفة يا فندم... بس هو الي استفزني خلاني ارد عليه... حازم : اللهم طولك يا روح... سعد : شوفو انتم الاتنين انا طول خدمتي مشفتش عيال كده زيكم انتو ناقص تض*بوا بعض قدامي... حازم : لا العفو يا فندم انا راجل حر عمري ما امد ايدي على واحدة ست.... هند بتريقة : لأ جنتل اوي حضرتك ... سعد بصوت عالي : ما تبس بقى... طب ايه رأيكم انكم انتم الأتنين هتطلعوا مهمة مع بعض ولو المهمة دي فشلت عاوز أشوف استقالتكم انتم الاتنين على مكتبي.... هند : بس يا فندم احنا عمرنا ما اتفقنا في حاجة كده المهمة اكيد هتفشل... حازم بتأكيد : وأنا رأي من رأيها... سعد ضحك وقال -: هههههه يبقى دي اول حاجة تتفقوا عليها.... الضابط الكوفئ مفيش في قاموسه مستحيل .... حازم : بس حضرتك انا متعود أشتغل مع رجالة بس مبحبش شغل الستات... همس بغيظ : لا حوش حوش انا الي هموت وأشتغل معاك.... حازم : انتي تطولي اصلا... انتي اخرك يوقفوكي في اشارة ولا تاخدي مخالفة طريق... اللوا سعد : باااااس صدعتوني يلا كل واحد عالمعسكر بتاعة وزي ما قولتلكم انا بكرة هستناكم الساعة 9 عشان اقولكم تفاصيل المهمة... هند : بس يا فندم..!!!! سعد بصوت عالي : ولا بس ولا مبسش متخرجونيش عن شعوري اتفضلوا من غير مطرود.... الاتنين خرجوا وكل واحد فيهم بيتوعد للتاني ، وراحوا تاني يوم في ميعادهم عشان يعرفوا تفاصيل المهمة.... اول ما وصلوا كان اللوا سعد في انتظرهم بعد ما أدوا التحية العسكرية... سعد : ياريت تكونوا صفيتوا خلافتكم عشان تقدروا تسمعوني كويس... حازم : عرفنا بس بتفاصيل المهمة ونبقى نتصافا بعدين سعد : المهمة المرة دي غير اي مهمة لازم تكون في سرية تامة.... ولو مكنتش بثق انكم من احسن الضباط مكنتش كلفتكم بيها... حازم : عادي اي مهمة كنا بنطلعها كانت بتكون في سرية تامة... سعد : المرة دي الموضوع مختلف ... الجهاز كله بقى في خطر هند : خطر ازاي ؟ سعد : أكيد سمعتم عن سلسلة الأغتيالات الي كانت فالفترة الاخيرة... حازم : اه اللوا مهاب واللوا سامح ... سعد : وغيرو وغيرو .... الي حصل ده مكنش صدفة دي خطة مدبرة ... اتسرق من الجهاز عندنا ملفات وسيفيهات لأكبر القادة الموجودين فالبلد... هند : وطبعا الغرض من السرقة دي الاغتيالات الي حصلت... سعد : مضبوووط..... ومهمتكم بقى انكم توقفوا سلسلة الاغتيالات دي ، او بمعنى اصح لازم تعرفوا مين الي ورا الي بيحصل ده... وكمان لازم نعرف مين الي سرب المعلومات دي... بقلمي روني محمد اللوا سعد وحازم وهند اتكلموا كتير في تفاصيل المهمة وبعدين كل واحد فيهم روح على بيته منها اجازة وصفاء زهن قبل بدء المهمة .... في بيت هند هند : ولله يا ماما انا مش عاوزة أكل ولا أشرب انا عاوزة اقضيها نوم... هما 24 ساعة اجازة وراجعة شغلي من تاني... الأم : نوم ايه يا بنتي احنا عاوزين نعد معاكي ونشبع منك... هند : ساعتين بس أنام واصحا اعدوا معايا براحتكم... الام : بصراحة يا هند مش هينفع احنا جايلنا ضيوف النهاردة... وانتي لازم تكوني موجودة هند : ضيوف مين يا ماما هو ده وقته .... الام : اه و قته قومي اغسلي وشك كده وفوقي عشان انا جبت اخري منك... هند : في ايه بقي يا ماما انا عملت ايه بس!! الأم : عملتي عملتي ايه يعني الله يسامحه ابوكي الي حببك في شغل الجيش والشرطة مالها الوظايف ما كنتي تطلعي دكتورة ولا مهندسة ولا حتى مدرسة كان لازم ظابطة يعني... هند : اسطوانة كل اجازة... ها يا ماما مين العريس المرة دي... الام : يمين تلاته لو العريس المرة دي مشى ومرجعش زي كل مرة لأكون م**رة دماغك وحبساكي فالبيت ولا شغل ولا مشغلة ، خليكي قاعدة لما نشوف اخرتها معاكي... هند : طب هعمل ايه يعني يا ماما ما العرسان هما الي بيطفشوا لوحدهم ... الام : من عمايلك السودا معاهم ....اخر عريس مستحملش يا عيني ووقع عالسلم وهو نازل... هند : ده من الصابون الي لزق في كعب جزمته... الام : نعم يا ختي انتي حتطيله صابون في الجزمة ... هند : وأنا مالي يا ماما هو الي داس عليه... ولزق فالجزمة... الام : طب والعريس الي قا**ه لما طلع يجري وكان هينط من البلكونة... هند : طب تصدقي واتامني بالله انا مظلومة ده العريس ده بالذات انا كنت ارتحتله اه ونعمه ارتحتله يكش بس النصيب الي خلاه شاف فيديو لواحد ارهابي وانا بقبض عليه ، مش عارفه ايه الي خلاه يخاف ده كان جنتل مان في نفسه كده... هيييييح النصيب بقى..... الام : ربنا يصبرني عليكي ، بس قسما بالله لو عملتي لمازن حاجة النهاردة لأطين عشتك... هند : مازن مين ؟ الام : ابن طنطك عفاف... هند : اه هو ده العريس ... يعني عالاخر الزمن هتجوز ميزو الام : أتلمي بدال ما انزل الشبشب على دماغك .... هند : مش هو كان مسافر بيشتغل فالعراق باين ايه رجعه ؟ الام : عراق ايه يا موكوسة بيشتغل فالخليج.... ده بيشتغل مهندس كومبيوتر اد الدنيا هند : اه طيب ألف بركة.... ربنا يرزقه ببنت الحلال الام : بعد ده كله هتنامي بردو هند : مش هنام يا ماما هريح بس بقالي يومين منمتش.... الام : انتي حرة بقى انا هروح لأبوكي و هو يشوفلو صرفه معاكي.... باليل العريس مازن جه ومعاه والدته .... والدة هند ووالدها قابلوهم ودخلو الصالون وأول ما قعدوا النور قطع و.... باليل العريس مازن جه ومعاه والدته .... والدة هند ووالدها قابلوهم ودخلو الصالون وأول ما قعدوا النور قطع وساعتها هند جت وقعدت معاهم هند : منور يا عريس... وحمدلله عالسلامة... مازن : احم... ده... ده نورك يا هند.... هو النور عندكم بيقطع كتير... هند بسخرية : ليه بتخاف من الضلمة ؟ مازن : مش اوي بس مبحبهاش... ابو هند حس ان دي حركة من حركات هند فقال -: طب انا هقوم اشوف الفيوز يمكن القفلة من عندنا ولا حاجة ... الام ميلت على هند وقالتلها -: أنا هوريكي بقى دي عمله تعمليها.... بعد شويه النور جه بس كلهم اتصدموا من شكل هند الي كانت لابسه بجامه وشعرها منكوش... عفاف والده مازن : ايه يا هند ده هو ده شكل تقابلينا بيه دانتي حتى مغسلتيش وشك بقالك يومين... هند : وانتي كنتي الصابونة يا طنط عشان تعرفي انا غسلت وشي ولا لأ.. ام هند : ردي على طنطك عدل وبطلي هزار.... معلش يا عفاف انتي عارفة هند بتحب تهزر ، هي بس حبت تقابلكم كده عشان احنا أهل مش كده يا مازن يا حبيبي... مازن : طبعا يا طنط دي هند قمر في كل حالتها.... ام هند : طب ايه رايكم نسيب العرسان يعدو مع بعض شويه لوحدهم.... تفتكروا هند هتعمل ايه فالعريس المرة دي ؟وهل هند وحازم هيقدوا يشتغلوا مع بعض ولا لأ ؟ انتظروني بالحلقة الجاية روني محمد متنسوش الفووت وطبعا لازم تقولولي رأيكم...

Free reading for new users

Scan code to download app

App Store Google Play

Facebookexpand_more