"Miss okay ka lang?" Iminulat ko ang aking mga mata at nakita ko ang isang nag-aalalang mukha ng isang babaeng nasa mid 40's na yata ang edad.
"Ah opo." Tugon ko bago inayos ang aking pag-upo. Pinahid ko ang malamig na pawis na tumutulo sa aking noo.
"Sigurado kang okay ka lang? Dahil kung hindi, sasabayan kita papuntang hospital." Nag-aalalang saad nito. Umiling lang ako sa ngumiti sa kaniya.
"Hindi na po. Maraming salamat po sa pag-aalala pero ayos lang po talaga ako." Saad ko. Tumango lang ang ale bago bumalik sa lamesa kung saan siya kumakain.
Hinanap ng mga mata ko ang babaeng may asul na mga mata ngunit hindi ko siya makita. Sino ba siya? Siya ba ang may kagagawan ng paglitaw ng mga malalabong imahe sa aking isipan?
Argh! Nakakainis! Araw-araw nalang may mga weirdo'ng bagay na
