Kabanata 16
"Ikaw ang gaga! Para kang ewan diyan!"
Napakamot naman siya sa kanyang ulo.
"Sorry naman kasi. Talagang marami lang akong iniisip kaya ako sobrang lutang ngayon."
"Oh, siya! Magpakalutang ka muna riyan. Kakain na muna ako." Tumango lamang siya.
Muli siyang bumalik sa pagiging seryoso ang iniisip. Parang may mali yata sa nangyayari sa kanya.
Nagkita sila ni sir Jigs kanina. Nagtanong pa nga ito kung bakit naroon siya sa office ng CEO. Nakapag-alibi pa siya ng kung ano para lang hindi siya mabuko tapos ngayon malalaman niya kay Merna na si sir Jigs ang nagpatawag sa kanya. Ano ba talaga ang totoo?
Bumuntong-hininga siya. Malaki ang duda niya na ang may pakana nito ay ang lalaking iyon.
"Lucia, kain na," untag ni Merna sa kanya.
"Oo na," sagot niya at kumain na rin.
