Kabanata 25
Huminto naman ang elevator sa second floor. Lumabas siya habang lutang pa rin ang kanyang isipan. Nakita niyang nasa meeting room si Merna kaya kumuha siya ng basahan at pumasok sa loob. Diretso lang siya, na para bang wala siyang kasama.
"Hoy!"
"Oh? Ano?" bulalas naman niya.
"Tulala ka. May nangyari ba?"
"Wala 'to," sagot niya at tinulungan si Merna sa pagpupunas ng mesa at mga upuan sa meeting room.
"Hayan ka na naman kapag nagtatanong ako sa iyo. Lagi ka na lang parang may iniiwasan."
Bumuntong-hininga siya.
"Hindi naman sa ganoon Merna. Hindi ko kasi makontak ang inay kagabi. Nagpadala kasi ako ng pera. Kaya heto nag-aalala ako," sagot niya kahit hindi naman iyon ang totoong rason pero totoong nag-aalala rin siya dahil nga sa hindi niya makontak ang mga ito k
