Magkakasunod akong napalunok habang nakatingin kay Master Elron. Hindi ko lubos akalain na nandito ito sa loob ng kotse at naghihintay sa akin. Sino ba talaga ang kaharap ko? Hindi ba ito isang panaginip lamang?
Pero nasa utak ko pa rin talaga na baka namamalikmata lamang ako kaya naman magkakasunod kong kinusot ang mga mata ko. Ngunit walang pagbabago si Master Elron talaga ang nakaupo sa driver seat. At nasamang tingin ang pinupukol sa akin.
“Master Elron, ikaw pala ‘yan. Na saan si Gaslo? Ikaw po ba ang maghahatid sa akin ngayon?” alanganin kong tanong sa lalaki. Ngunit sa totoo lang ay ang lakas ng kabog ng aking dibdib.
“Yes, akala mo ba hindi ko alam ang mga pinaggagawa mo sa school, Trish? Marami kong mata roon?!” paasik na sabi sa akin ni Master Elron.
“Wala naman akong kasalan
