Panay ang thank you ko kay Gaslo. Ang ganda tuloy ng aking ngiti habang nasa biyahe kami. Ngayon naman ay ipagdadasal ko na pumunta muna si Master Elron sa ibang bansa para sa business trip nito habang may problema pa ako sa school ko. Sana lang ay pakinggan ang aking dalangin. Napangiwi tuloy ako ng wala sa oras sa mga kalokohang pumapasok sa utak ko.
Hindi nagtagal ay nakarating kami sa bahay ni Master Elron. Balak ko na sanang buksan ang pinto ng kotse nang matanaw ko si Master Elron. May mga kausap itong mga tao. Aba’y bakit nandito ka agad ang lalaking ‘to?
“Mr. Gaslo, mukang maaga yata ang Master mo na umuwi,” anas ko kay Gaslo.
“Baka po tapos na ang dapat niyang tapusin, Ms. Trish. Tiyak na magagalit si Master oras na makita ang itsura ng mukha mo. Siguro’y magsadal ka ng sampung
