Tumila-tila na ang malakas na ulan. Siguro naman ay hindi ko na kailangang magpalipas pa ng gabi ulit dito. Naa-appreciate ko naman ang ginagawa ni Silas para sa akin pero sa tingin ko ay hindi ko deserve ang ganitong pagtrato sa akin ng boss ko.
Alam ko, na siguro ay iba lang ang pakikitungo niya sa akin dahil alam ko ang ilegal na ginagawa ng pamilya niya, ngunit sa tingin ko ay hindi pa rin ako karapat-dapat na itrato nang ganito, na parang napakaimportante ko. Isa pa, mukha namang maayos na ako at nababawasan na ang trauma na nakuha ko sa nangyari kahapon. Makakaya ko na sigurong mapag-isa sa apartment ko.
Tiningnan ko lang ang email ko kung may mga importante bang mensahe roon. Nang wala naman ay nag-ayos na ako ng gamit.
Bukod sa lahat ng naiisip kong rason na hindi niya dapat ak
