Nakabalik na si Silas matapos niyang ihatid si Camille. Sa tagal niya bago makabalik ay sa tingin ko’y inihatid niya ito hanggang lobby.
“Done eating?” iyon agad ang ibinungad niyang tanong sa akin at naupong muli sa tapat ko.
Ngumiti ako at tumango sa kanya. Tapos na naman akong kumain. Pinilit ko ang aking sarili na ubusin iyong pagkaing mayroon ako sa plato.
“Good,” sabi niya bago uminom muli ng tubig.
Nakatingin lamang naman ako sa walang laman na pinggan ko. Hindi ako makatingin kay Silas. Pakiramdam ko ay mababasa niya kung ano mang nilalaman ng isip ko at malalaman niya ang nararamdaman ko kapag tumingin ako sa kanya.
“Sorry about that.” Wala man sa plano ko ay napatingin ako sa kanyang direksyon nang sabihin niya iyon. Nagtataka pa ako sa ibig niyang sabihin. “About Camille.
