Nagbihis na ako. Magaganda ang damit na ibinigay sa akin ni Silas at tatlong klase iyon. May pajama, may dalawang kaswal na damit. Sinuot ko muna iyong isang cami top na nakita ko roon at shorts. Matapos kong makapagbihis ay inayos ko na rin ang sarili ko. Hindi na ako masyadong naglagay ng makeup dahil nakapaglinis na ako ng mukha. Isa pa, si Silas lang naman ang kasama ko at mag-iinom lang naman kami.
Lumabas na ako ng kwarto dala iyong keycard ko. Dinala ko na rin ang wallet ko just in case hindi niya ako ilibre ng inumin.
Nagtanong pa ako kung saan ba iyong mininbar dahil hindi ko makita. Nang makarating ako roon ay hindi naman masyadong maraming tao. Nakita ko agad si Silas na nasa may bar counter at nakaupo sa bar stool. Nagsisimula na siyang uminom.
Umupo ako sa tabi niya. Niling
