Matapos ang katapusan ng linggo ay balik na naman ako sa trabaho at dahil nagdatingan na ang mga shipments ko ay natataranta na ako. Bakit ba kasi kailangan sabay-sabay silang dumating?
“Marami kang shipments?” Kakarating lang nina Chad at Venice. Sa sobrang aga kong pumasok ay naunahan ko silang lagi ring maagang pumasok. Ni hindi na nga ako nakapag-almusal.
Nangamoy ang buong opisina ng kape dahil sa dala ni Venice. Nakaramdam tuloy ako ng kagustuhang uminom ng kape at kumain pero sa rami ng gagawin ko ngayong araw ay mukhang hindi ko iyon magagawa.
Mabagal ang system kaya’t kahit nai-lodge ko na ang mga shipments na dumating ngayon ay wala pa ring response mula kay Customs. Pasalamat na rin talaga ako dahil naiayos ko na iyong mga panibagong dokumentong dumating noong Biyernes.
Tini
