Awtomatiko akong nagtago nang makita ko silang apat. Hindi ko alam pero gusto ko lang magtago para hindi nila ako makita. Alam ko naman na wala silang pakealam na naandito kami pero hindi ko rin alam bakit ganito ang kabang nararamdaman ko, na parang ayokong magpakita sa kanila.
“Ano naman kung naandito sina Sir? Baka magchi-chill lang din. Gusto niyo yayain ko pa rito sa table natin,” pagyayabang ni Cris sa mga kasama.
Kung sakalin ko kaya siya. Bakit naman niya yayayain dito sina Sir? Hayaan na nga lang nilang lumayo ang mga iyon sa amin.
“Hoy, sino namang pinagtataguan mo riyan, Hyacinth? Si Sir ba?” Tinawanan ako ni Venice. Umayos naman ako nang pagkakaupo.
“Hindi, ah. Inaayos ko lang iyong heels ko,” pagdadahilan ko kahit na totoo naman ang akusasyon niya sa akin kanina.
Muli n
