"BRIELLE."
Nagmulat ng mga mata si Brielle nang marinig niya ang pamilyar na boses na iyon na tumawag sa pangalan niya.
At nang tumingin siya sa kanyang gilid ay nakita niya ang humahangos na magulang niya palapit sa dereksiyon niya.
Mabilis naman niyang pinunasan ang luhang namalibis sa pisngi niya at saka siya tumayo mula sa pagkakaupo niya sa waiting area na nasa labas ng ICU at saka niya sinalubong ang mga magulang niya.
"Pa, Ma," sambit niyang makalapit siya sa mga ito. Sobrang pagpipigil naman ang ginawa niya para huwag siyang mapaiyak sa sandaling iyon. Gusto kasi niyang maging matatag sa harap ng mga ito kapag sinabi na niya ang nangyari kay Brianna.
"Anong nangyari? Nasaan si Brianna? Anong nangyari sa kanya? Pagdating namin sa bahay ay agad na sinabi sa 'min ni Delia na
