Ang pagkakaroon ng maayos at buong pamilya at ang maikasal sa taong mahal nila ay isa sa mga pinangarap ni Cataleya o kahit na maging sino man. At nangyari nga ang pangarap nyang iyon ng alukin sya ng kasal ng longtime boyfriend niyang si Cassiv na isang racer at anak ng isang multi-billionaire. Matapos bigyan ng kapahintulutan ng lahat ay nangyari ang pag-iisang dibdib ng dalawa. Tila sinamahan ng maayos at magandang panahon ang bagong kasal, maging ng mga taong nakapaligid sa kanila. Ngunit hindi naging madali ang lahat, katulad ng iba hindi agad sila nabiyayaan ng anak. Ngunit para sa katulad ni Cataleya na may dedikasyon at pangarap at patuloy nilang sinubukan ni Cassiv hanggang sa magbunga nga ito ng isang anak na lalaki. Pero ang saya na ibinigay sa kanila ay parang pinaranas lamang sa mag-asawa na magkaroon at panandaliang kaligayahan dahil sa biglang pagkawala ng anak nila. Gumuho ang mundo ng dalaga ng mangyari ito, ang lahat ng magandang nangyari ay nagbago at nag-iba. At ang mga taong inaasahan nya na tutulong sa kanya sa panahon ng pagdurusa ay siya pang magtataksil at magtataboy sa kanya. Ang aasaya at makulay na mundo pati ang pangarap ni Cataleya ay naglaho na parang bula. Hindi inaasahan ng dalaga, kasabay ng pagkawala mg anak nila ni Cassiv ay mawawala din sa kanya ang lahat at mangyayari ang masasakit na karanasan. Lilipas ang panahon, at isang araw, iminungkahi ng ama ng dalaga na i-manage muna ang ilang ari-arian nila sa Palawan kung saan ang probinsya na kinalakhan ng dalaga. Para na din makapagrelax at malayo ang dalaga sa kalungkutan na nararanasan nya. At makalimutan ang mga taong nagtaksil sa kanya. Pagdating sa El Nido, Palawan, isang lalaki ang muling makikilala ni Cataleya at iyon ay si Dastan. Isang construction worker at may wirdong pag-uugali. Anu ang magiging papel ng binata sa buhay ng dalaga? Isa din ba sya dududrog sa pagkatao nito at magdudulot muli ng panibagong kalungkutan o ang taong tutulong at babalik sa dating masiglang pagkatao nito?

Malapit na ikasal sina Dave at Samantha na parehong mga abogado. Ngunit isang trahedya ang bumago ng lahat. Naaksidente ang mga ito na sanay pauwi na. At nang araw ring 'yon binawian ng buhay si Samantha. Ilang buwan syang walang malay at halos isang taon syang nanatili sa hospital at naapektuhan ang ibabang bahagi ng katawan ni Dave, dahil para hindi sya makatayo at makalakad agad. At nakilala nya si Cindy, ang nurse na naka assign na magbantay sa kanya. Hindi aakalain ni Dave na sa loob lang din ng isang taon ay iibig syang muli sya dalaga. Pareho silang nagtapat ng kanilang pag-ibig at naging magkarelasyon sa loob ng apat na taon. Ngunit tila mapaglaro ang tadhana, dumating ang araw na para bang bumalik si Samantha ngunit sa ibang katauhan, kay Kayleigh, anak ng isa sa mga kliyente na maraming pagkakahawig sa yumao nitong nobya. Nagbago ang lahat ng pakikitungo ni Dave kay Cindy, malayong-malayo sa dati simula ng makilala nito ang dalaga. Ngunit dahil ayaw masira ni Cindy ang relasyon na meron sila ni Dave, ginawa nya ang lahat at nagbulag-bulagan. At sa pagkakataong iyon, ang isa sa mga doctor ng hospital na pinagtatrabahuan nya ay may lihim palang pagtingin sa kanya. Hindi nya magawang aminin ang nararamdaman dahil alam nyang may nag-mamayari na sa puso nito. Ngunit darating ang araw na makikita ni Cindy ang totoong hinahanap at maranasan kay Liam. Para sa kay Cindy, na minsan ng umibig ng totoo, anu ang pipiliin nya? Ang tanggapin ang pag-ibig ni Liam ngunit sa maling pagkakataon o manatili sya sa piling ni Dave kahit alam nyang nasasaktan sya?

Kung sa larangan ng pagkabigo, wala na sigurong tatalo pa kay Mariah. Lahat kasi ng pwedeng pagkakakitaan ay pinasok na nya pati ang pagrarampa o pagsali sa mga pageant. Pangarap pa mandin nito na makapag presentation ng bansang Pilipinas. Kahit pa ang paligsahan na para sa mga beki ay pinapatos na din nya, ngunit kahit ang makapasok sa top five ay hindi nya makuha kahit na minor awards ay wala ito. Kahit sa pag-ibig ay lagi ding bigo ito. Iyon ang naging buhay ni Maria magmula ng tumuntong sya sa hustong gulang hanggang ngayong nasa dalawamput pitong taon na sya. Simple lang ang pangarap nya sa buhay ang maiahon sa hirap ang ina nya at mapagtapos ng pag-aaral ang kapatid nyang lalaki. Gustuhin man nyang makapagtapos pa ay hindi na kakayanin pa ng mama nya, kaya kahit anung raket ay sinusunggaban nya pero marangal na trabaho. Tatlong taon lang ang agwat ng kapatid nyang lalaki sa kanya, sa murang edad din nito ay natuto na ding magbatak sa trabaho ngunit kahit pa ganun ay may maganda pa din itong pangangatawan. Maaga kasi sila naulila sa ama dahil sa aksidenteng nangyari. Bagamat ganun ang buhay nila ay masaya sila sa araw-araw at kontento na sa meron at kung may hinihiling may alam nilang pinaghihirapan muna ito.Maganda si Elena, kayumanggi ang kulay. Sakto ang pangangatawan para matawag din na may hubog na labis nilang ipinagtataka kung bakit hindi sya manalo nalo sa kahit anung paligsahan. Hanggang isang araw ay niyaya siya ng kaibigang si Kara para magbakasakali sa manila para sa trabahong kahit sa pangangatulong man lang o pagbabantay ng matanda o bata. Agad naman pumayag ang dalaga sa nais ng kaibigan dahil magkasama naman sila. Pagdating nila sa manila ay hindi ganun sa inaasahan nila ang nangyari. Dahil ang trabahong dapat ay papasukan nila ay biglang nagsabing may nakuha ng iba. Labis ang kalungkutan ng dalawa dahil unang-una ay wala silang bahay na matutuluyan at kahit ang pamasahe pabalik ay wala din. Ngunit sa kabila ng nangyayari ay may kabutihang palad ay may nagmagandang loob sa kanila at pinatuloy ito sa bahay. Matanda na ito at gusto na nyang magpahinga, wala na din itong anak na tinutustusan kaya't aalis na ito sa trabaho. Laking pasalamat nalang din ng matanda ng dumating ang dalawa at hindi na nya kailangan maghanap pa kung saan. Labis ang kasiyahan ng dalawa ng sabihin nitong may naghahanap ng katulong o mag-aalaga sa mansyon na pinagtatarabahuan bilang kapalit nya. Ngunit ganun na lang ang kalungkutan na naramdaman ni Mariah ng sabihin nitong isa lang pala ang kailangan nito. Hindi alam ng kumupkop sa kanila kung sino sa kanilang dalawa ang kukunin nito para isama na sa mansyon. Nagpaubaya nalang ito sa kaibigan dahil alam nyang mas nangangailangan ito para sa pag-papagamot sa lolo nya. Ngunit ang kaibigan ni Mariah na si Kara ay nagkaroon ng biglaang pangyayari sa probinsya kung kaya si Mariah na lang ang ipinasama nya sa matanda. Laking pasasalamat naman ng dalaga sa kaibigan at sinabing ayos lang iyon at maghahanap nalang din sya ng trabaho na malapit sa kanya. Pagpasok nya sa mansyon, para syang nalula dahil sa laki nito. At ang buong pag-aakala pa ni Mariah ay matanda ang kanyang aalagaan ngunit laking gulat nya na ang nag-iisang apo pala nito ang kanyang pagsisilbihan. At doon sa mansyon mangyayari ang mga bagay na hindi nya lubos na mangyayari at maraming lihim si Mariah na malalaman tungkol sa pamilya nito lalong lalo na sa lalaking pinagsisilbihan nya. Magiging kasa-kasama sya nito at magiging sandalan pagdating ng araw. Bagamat sa unang pagkikita ng dalawa ay hindi naging maayos ang pagtrato nila sa isa't isa. At ang lihim ng lalaking pinagsisilbihan nya ay sya at ang lola lang nito ang nakakaalam. Ngunit paano kung dumating ang araw na mahulog ang loob nya sa lalaki? Anu kaya ang gagawin ni Mariah kapag na inlove sya sa isang hindi straight na lalaki ngunit matipuno at makisig ang pangangatawan nito at may gwapong mukha. Paano nya kaya mapaglalabanan ang pag-ibig nito sa kanya lalo na at taga-pagmana ito ng isang mayamang pamilya at malayo ang agwat nang estado nila sa buhay.

Madalas nating naririnig sa karamihan o matatanda na walang nag-sisisi sa huli. Kung kaya habang maaga pa o kasama pa natin ang mga mahal natin sa buhay ay pahalagahan natin sila at mahalin dahil hindi sa lahat ng oras ay kasama natin sila. Dalawa lang na magkapatid sina Adeline at Krissa, subalit kinakapos pa din sila kahit sa pang araw-araw lang na pangangailangan. Pagtitinda ng mga gulay at prutas ang trabaho ng kanyang ina at tricycle driver naman ang kanyang ama at may sakit pa itong diabetes. Kung anung kabutihang asal ang meron si Krissa ay kabaliktaran ang ugaling meron si Adeline. Masipag, mapagbigay, matulungin, at mabuting anak si Krissa. Malambing din ito lalo na sa panahong mahina ang benta ng negosyo nila na isa sa kinaiinisan din ng kapatid nya. Samantala, pinagkalooban naman ng katalinuhan si Adeline na syang dahilan ng katigasan at pagiging mapagmataas nya. At dahil bunso si Krissa at matanda si Adeline, sinusunod na lamang nito ang lahat ng iuutos o hihilingin. At walang ibang hiniling o hinangad ito kundi ang maging malayo sa buhay na meron sila ngayon at matamasa ang mga gusto nya makamit sa buhay. Tanging sii Krissa ang naging katulong ng magulang nila sa lahat ng gawain sa bahay man o sa pagtitinda. At kahit na minsan ay hindi nito naranasan ang magtinda sa palengke at walang ibang ginawa kundi ang humingi lamang ng bagay na kahit anu at kapag hindi maibigay ay magsasama ang loob. Dahil mahal nya ang ate nya ay madalas nyang ipinapaubaya ang mga bagay na dapat ay sa kanya. Kahit alam ng mga magulang nila na iba ang trato ni Adeline sa kapatid ay hindi nila pinaramdam sa mga anak ang magkaroon ng paborito dahil parehas at pantay ang pagmamahal nila sa mga anak. At sa kabila ng pagiging kapos nila sa buhay, ay mas lalong nagsisikap ang mga magulang nila para maibigay ang lahat ng gusto. Lalo na at subrang maloho si Adeline sa lahat ng bagay. Sa halip na magpasalamat at pahalagahan ang bawat bagay na natatamo niya ay kabaliktaran pa ang ibinabalik ni Adeline sa magulang maging sa kapatid nya. Dahil subrang mababait ang mga magulang nito ay mas lalo pa nilang minahal ang anak dahil ang tanging kayamanan na meron sila ay ang pagmamahal. Hindi lamang sa loob ng bahay iba ang ugali at pakikitungo ni Adeline, ganun din kahit sa kanilang baryo. Maging kapit-bahay o kamag-anak ay palagi nitong iniinsulto. Kilalang maldita at masama ang ugali kaya't walang nakikipagkaibigan dito. Ganun din sa paaralan at hanggang sa tumuntong sila sa sekondarya. Ngunit hindi naging hadlang Kay Adeline ang mga pangungutya at pag iiwas nito sa kanya sa halip ay mas ginusto nya na hindi makipag-kaibigan sa kahit na sino lalo na sa tingin nyang parehas nyang kapus-palad. Ginamit nya ang kanyang katalinuhan para makahanap ng mga kaibigan na maaasahan nya sa kung anung gustuhin nya. At dahil dun, tanging nakaaangat lang sa buhay ang mga nagiging kasalamuha nito sa araw-araw. Mas lalo syang naging suwail at natutong magsinungaling dahil sa mga kaibigan na iba ang dulot sa kanya. At mas lalo nyang hindi inintindi ang paghihirap ng mga magulang nila.At nagbago ang lahat makalipas ang maraming taon. Inakala nya na magiging madali lang ang lahat sa kanya at tuparin ang mga pangarap nya dahil sa wala ng humahadlang sa kanya. Ngunit ang pinapangarap na buhay ni Adeline ay iba ang malayo at kabaliktaran ang ibinigay sa kanya. Lumayo ang lahat sa kanya at kahit anung gawin nyang pagsisikap ay pilit syang ibinababa. Hanggang sa dumating sa buhay nya si Keila, ang babaeng naging kaibigan, kapatid, at Ina nya sa panahong nahihirapan sya. Ang nagsilbing kalakasan nito at nagpapatibay ng kanyang loob sa panahong nanghihina siya. Ang kaibigang nagmulat sa kanyang maling nagawa at bumago sa buhay nya. Naging sandalan nya ito sa lahat ng oras at lahat ng bagay. Si keila din ang babaeng nagpabago sa kanya at dahilan ng subra nyang pag sisisi sa Buhay. Ang tanging naging hiling ni Adeline ang maging masaya sya sa araw-araw at bumalik Ang lahat sa kanya. Magiging maayos kaya ang buhay ni Adeline at magkaroon pa kaya sya ng pagkakataong masabi ang lahat ng gusto nyang sabihin sa mga mahal nya sa buhay at pag-sisihan ang lahat ng ginawa nya?