Init Ng Paghihiganti

10 years ago... ***Niva POV*** "WALANGHIYA kang babae ka! Malandi! Sinasabi ko na nga ba! Tama ang kutob ko na ikaw ang babae ni Hernan!" Galit na tungayaw ni mommy kay Tita Claudia at sinugod nya ito sa ibabaw ng kama. "Mommy!" Sumunod ako kay mommy at hinawakan sya sa braso. Pero hinagkis nya ako ng matalim na tingin. "Doon ka sa labas ng kwarto, Vina!" Utos nya sa akin. Bumitaw naman ako sa kanya at tumakbo palabas ng kwarto nila ni daddy. "Napakahayop nyong dalawa! Mga baboy! Lalo ka ng babae ka! Malandi! Puta!" "Aray! Bitiwan mo ko nasasaktan ako Ate Alicia!" "Talagang masasaktan ka sa aking babae ka! Kakalbuhin kitang puta ka! Sa lahat ng lalandiin mo ang asawa ko pa!" "Ouch! Hernan help me!" "Bitiwan mo sya Alicia, ano ba!" Kumagat labi ako kasabay ng pagtulo ng luha ko habang pinapanood ko ang pag aaway ni mommy, daddy at Tita Claudia. Halos magkandabuhol buhol na ang mahabang buhok ni Tita Claudia sa tindi ng sabunot ni mommy. Nakikita ko na nga ang kanyang hubad na dibdib. Pilit din nyang sinasalag ang mga sampal ni mommy. Galit na galit si mommy na para ng sinasapian ng masamang espiritu. Si daddy naman ay inaawat si mommy. Nakabihis na sya ng pantalon pero di pa naisasara ang zipper sa harapan. "Sinabi ng tumigil ka Alicia!" Sigaw ni daddy at malakas nang hinila si mommy palayo kay Tita Alicia sabay sampal sa pisngi nito. Natigilan si mommy at sinapo ang pisngi. "Mommy!" Muli akong pumasok sa kwarto at yumakap kay mommy. Matalim kong tiningnan si daddy. "B-Bakit mo sinamal si mommy, daddy?" Umiiyak na tanong ko. Natigilan naman si daddy at tumingin sa akin. "Dahil ayaw magpaawat nyang mommy mo." Humikbi ako at suminghot. "Nagagalit lang si mommy dahil niloloko mo sya. Kayo ni Tita Claudia!" Sigaw ko. Hindi umimik si daddy at nag iwas ng tingin. Matalim naman akong tumingin kay Tita Claudia. Pero nginisihan lang nya ako at bumangon sya sa kama. Walang pakialam sa sariling kahubaran na dinampot isa isa ang mga damit at nagbihis. Sinuklay nya ng daliri ang magulong buhok. Lumapit sya sa side table at kumuha ng isang stick na sigarilyo sa kaha at inipit sa labi. Sinindihan nya yun ng lighter at hinithit sabay buga ng usok sa ere. Umupo sya sa gilid ng kama at dumekwatro pa na akala mo ay reyna. Kahit kelan ay hindi ko gusto si Tita Claudia. Maldita sya at masama ang ugali. Laging inaaway si mommy. Playing victim pa palagi kaya laging napapasama si mommy. "How dare you Claudia? Sa dami ng lalaki sa mundo, bakit ang asawa ko pa?" Puno ng hinanakit na tanong ni mommy. "Simple. I like him and he likes me too. Right, babe?" Sagot ni Tita Claudia sa malambing na boses at bumaling kay daddy. Pero si daddy ay hindi sumagot at bumuntong hininga lang. "Ang mabuti pa Alicia, lumabas ka muna. Mag uusap muna kami Claudia." "What? Are you out of your mind, Hernan? Bakit ako ang pinalalabas mo? Kwarto natin to. Yang babaeng yan ang palabasin mo!" "I said get out! Isama mo si Vina." Galit ng utos ni daddy!" "No, dito lang kaming mag ina!" Palabang sigaw ni mommy at binalingan si Tita Claudia. "At ikaw na babae ka, wala kang utang na loob. Matapos kang ampunin ng papa ko at pulutin sa kalye, ganito pa ang igaganti mo sa akin? Kung nabubuhay lang si papa, itatakwil ka nya!" "Well, sad to say patay na si papa at wala na syang magagawa." Gumuhit muli ang matinding galit sa mukha ni mommy. "Hayup kang babae ka!" Akmang susugurin muli ni mommy si Tita Claudia pero humarang agad si daddy. "Sige, subukan mong saktan ulit si Claudia. Makakatikim ka sa akin." Napalitan ng sakit ang galit na nakapinta sa mukha ni mommy kasabay ng pag agos ng luha sa kanyang mga mata. Maging ako rin ay nasaktan sa sinabi ni daddy. Mas pinoprotektahan nya si Tita Claudia. "B-Bakit Hernan? Bakit mo ba nagawa sa akin ito? Ano bang.. k-kasalanan ko sayo? At sa lahat ng babae, bakit kay Claudia pa? P-Para mo na akong pinapatay.." Humihikbing sabi ni mommy. Yumakap ako sa bewang nya habang umiiyak din. Nasasaktan ako na nakikitang umiiyak si mommy at ang dahilan ay si daddy pa. "Alam mong simula't sapul pa lang ay hindi na kita mahal, Alicia. Napilitan lang ako na pakasalan ka dahil sa mga magulang natin. Ngayong pare-parehas na silang wala, wala ng dahilan para ipagpatuloy pa namin ang pagsasama natin. Si Claudia, sya ang babaeng mahal ko. Sya ang gusto kong makasama." Isang malakas na sampal sa pisngi ni daddy ang binigay ni mommy. "H-How dare you, Hernan.. How dare you! I gave you everything! Money and power! Tapos.. ito lang ang ibibigay mo sa akin? Huh?" Umiiyak na sumbat ni mommy. "Huwag mo kong sumbatan Alicia. Hindi ko hiningi ang mga yan dahil kusa mo yang binigay. Tapos na tayo. Maghiwalay na tayo. Mag file ka ng annulment, wala na akong pakialam. Tapos na ang pagiging sunud sunuran ko. Sariling kaligayahan ko naman ang susundin ko. At si Claudia ang kaligayahan ko." "Narinig mo ang sinabi ni Hernan, Ate Alicia. Wala na syang pakialam sayo at hindi ka nya mahal. Ako ang mahal ni Hernan. Ako ang kaligayahan nya. Sa akin sya masaya." Nanunuyang sabi pa ni Tita Claudia at ngumisi kay mommy. "Tumahimik ka Alicia! Hindi kami magkakaganito ni Hernan kung hindi dahil sayo. At huwag mo kong matawag tawag na ate dahil hindi kita kapatid. Wala akong kapatid na anay at pokpok!" "Shut up Alicia! Don't call her like that!" Sigaw ni daddy kay mommy. "I'm just telling the truth, Hernan! Pokpok yang kabit mo! Malandi! Puta!" "Sinabi nang -- " "No, daddy!" Humarang ako kay mommy bago pa lumapat ang palad ni daddy sa mukha nya. Natigilan naman si daddy at tumingin sa akin. "Huwag nyo pong sasaktan si mommy.." Umiiyak na sabi ko. Binaba ni daddy ang kamay at matalim na tumingin kay mommy. "Umalis na kayo ni Vina. Hindi ko na kayo kailangan." Parang may punyal na tumarak sa puso ko sa sinabi ni daddy. "Sige Hernan, aalis na kami ng anak mo sa buhay mo. Pero pagsisisihan mo ito." Mariing sabi ni mommy at hinawakan ako sa braso. "Halika na, Vina." Hinila na ako ni mommy palabas ng kwarto nila ni daddy. Naiwan doon si daddy at si Tita Claudia. Malalaki ang hakbang na lumabas kami sa malaki naming bahay at lumapit sa sasakyan. Pinagbuksan kami ng pinto ni manong driver. "Saan po tayo, ma'am?" "Sa mansion. -- DAHAN dahan kong binuksan ang pinto ng kwarto ni mommy at nakita ko syang nakaupo sa carpet sa may paanan ng kama. May hawak syang bote ng alak at tinutungga yun. Mula ng umalis kami sa bahay at bumalik dito sa mansion ay wala na syang ibang ginawa kundi uminom araw man o gabi. Hindi ko nga sya nakikitang kumain. Sinisigawan nya ang mga kasambahay na papasok dito sa kwarto. Tahimik akong pumasok sa loob at sinara ang pinto. "Sinabi ng huwag nyo akong iistorbohin eh!" Galit na sigaw ni mommy. "M-Mommy.." Natigilan si mommy at tumingin sa akin. "Vina.. anong ginagawa mo dito?" Lumapit ako kay mommy. Ibang iba na si mommy ngayon. Wala na sa ayos ang hitsura at namamayat na. Ang magang mukha na dati ay hindi nawawalan ng kulay ngayon ay parang kulay papel na sa putla. Ang laging maayos na buhok ay gulo gulo na dahil walang suklay. Sobra akong nalulungkot para sa kanya at sobra naman akong nagtatampo kay daddy. Nang dahil sa kanilang dalawa ni Tita Claudia kaya nagkakaganito si mommy. "Umiinom ka na naman po, mommy.." "Pabayaan mo ko Vina." Malamig na sabi nya sabay tungga sa bote. Lumapit pa ako sa kanya at hinawakan ang kamay nyang may hawak na bote. "Mommy tama na po yan please.. Baka magkasakit ka na po." Pero tinabig lang ni mommy ang kamay ko. "Sinabi ng huwag mo kong pakialaman!" Sabay tulak nya sa akin. Napaupo naman ako sa carpet sabay ngiwi. Natigilan naman si mommy sabay iyak. "S-Sorry anak.. di sinasadya ni mommy." Ngumiti ako at gumapang palapit kay mommy. "It's okay, mommy. Hindi naman po ako nasaktan." Sabi ko at pinunasan ang luha sa pisngi nya. Suminghot sya at tumingin sa akin. Walang kabuhay buhay ang kanyang mga mata. Puro kalungkutan at pighati ang makikita roon. "I-I'm sorry anak.. I'm so sorry.." "It's okay mommy, it's okay." Umiling iling sya. "No.. it's not okay Vina. We're not okay.." Muli syang umiyak at yumuko. "Mommy.." "H-Hindi ko na kaya anak.. A-Ang sakit sakit.. S-Sobrang sakit ng ginawa ng daddy mo at ni Claudia. H-Hinding hindi ko sila mapapatawad na dalawa.." Muling nag angat ng mukha si mommy at hinawakan ang mukha ko. Malungkot syang ngumiti. "Ikaw lang ang pinaka magandang nangyari sa buhay ko anak.." Mahigpit akong niyakap ni mommy. Niyakap ko din sya at hinaplos haplos ang kanyang buhok hanggang sa naramdaman kong nakatulog na sya. Nanatili akong nakaupo sa carpet habang yakap si mommy. Nakasandig sya sa balikat ko at malalim na ang paghinga. Bumukas ang pinto at pumasok si Manang Fely. Ang mayordoma ng mansion. "Tulog na ang mommy mo?" Mahina nyang tanong. "Opo manang." "Sige, tatawag lang ako ng iba pang kasambahay para mailipat sya sa kama." Muling lumabas si manang at makalipas lang ang tatlong minuto ay bumalik sya kasama ang tatlong kasambahay. Pinagtulungan nilang buhatin si mommy at hiniga sa kama. Sa sobrang kalasingan ni mommy ay di sya nagising at umungol lang. Nilinisan sya ng dalawang kasambahay at binihisan. Si Manang Fely naman ay niligpit na ang basyo ng mga bote at basong ginamit ni mommy. "Vina iha, pumasok ka na rin sa kwarto mo. Matulog ka na dahil may pasok ka pa bukas." "Opo manang." Nilapitan ko si mommy sa kama at hinalikan sya sa pisngi. "Goodnight mommy.." Kinumutan ko si mommy at lumabas na ako ng kwarto. 'Sana bukas ay maging okay na si mommy.' Pumasok na ako sa kwarto ko at dumiretso na sa kama. Kailangan ko ng matulog dahil may pasok pa ako sa school bukas.. Sinukbit ko na ang bag sa balikat at lumabas na ng kwarto. Pupuntahan ko muna si mommy sa kwarto nya para magpaalam na papasok na ako sa school. Kumunot ang noo ko ng makita si Manang Fely, ang dalawang kasambahay at driver na nagkukumpulan sa harap ng pinto ng kwarto ni mommy. Lumapit ako sa kanila. "Ano pong nangyayari, manang?" Lumingon sa akin si Manang Fely. May pag aalala sa kanyang mukha. "Kanina pa kami katok ng katok pero hindi binunuksan ng mommy mo. Nag aalala na kami." Lumapit ako sa pinto. Binigyan naman ako ng espasyo ng mga kasambahay. Malakas akong kumatok sa pinto. "Mommy, mommy. Open the door please." Sabi ko. Pero walang sumasagot sa loob at walang nagbubukas ng pinto. "Mommy, mommy." Patuloy ko pa ring tawag habang kumakatok. Mayamaya ay pinakuha na ni Manang Fely ang master key. Nilapat ko naman ang tenga sa pinto. Wala akong naririnig sa loob. Nag uumpisa na rin akong mag alala. Hindi matagal magbukas ng pinto si mommy. Tatlong katok lang ay nagbubukas na sya dahil ayaw nya ng maingay. "Heto na po ang master key, manang." Anang kasambahay at binigay kay Manang Fe ang master key. Kinuha naman yun ni manang. "Tabi ka muna, Vina. Bubuksan ko ang pinto." Tumabi naman ako at hinayaan si Manang Fely na buksan ang pinto. At wala pa ngang ilang segundo ay bukas na ang pinto. Unang pumasok si manang at sumundo naman ako. Pumasok din ang dalawang kasambahay. Magulo ang kama pero wala si mommy. "Mommy." Tawag ko kay mommy at pumunta sa banyo kasunod si manang. Binuksan ko ang pinto at nakita ko si mommy na nakalubog sa bathtub na puro dugo. "Mommy!" *****