BAHAGYANG naging maayos si Ricky matapos niyang makausap si Chloe nang araw na iyon. Naroon pa rin naman ang pag-aalala sa kanya para kay Andrea dahil sa nalaman niya, pero mabuti na rin ito kaysa walang nalalaman. Bago nga niya ihatid ang dalaga ay sa hindi inaasahang pagkakataon ay nakasalubong niya ang anak ni Congressman at dito niya nalaman na ito pala ay ang bagong player ng CU.
Sa pag-uwi ni Ricky ay kaagad siyang pumunta sa kanyang silid at humiga. Nasa isip pa rin niya ang kanyang girlfriend at pinalipas niya ang araw na iyon na parang normal lamang.
Lumipas pa ang mga araw at nagpatuloy siya sa normal niyang routine at ang CBL ay isang linggo na lamang bago magsimula. Ang kanilang team ay puspusan na ang practice dahil may laro sila sa opening ng liga. Dito na nga sinabi
