PAGKA-UWI ni Ricky sa kanilang bahay ay napaupo na lamang siya sa kanyang higaan. Mas naramdaman niya ang pagod dahil sa laro dahil doon. Humiga siya at napatingin sa itaas nang tagusan. Naalala niya ang message ni Andrei at hindi siya makapaniwala. Parang ang bilis, at bakit nangyari kaagad? Hindi niya lubos maisip na ang kanyang nakausap na ina ng kaibigan at ng kanyang girlfriend noong bakasyon ay wala na.
Muli siyang bumangon at kinuha ang kanyang phone mula sa kanyang bag. Sinubukan niyang kontakin si Andrea, at maging si Andrei, kaso, patay ang phone ng mga ito. Nagchat siya sa kaibigan sa messenger, kaso, hindi naman ito online. Hindi siya mapakali dahil doon, at mas nakaramdam siya ng pag-alala para kay Andrea. Alam niyang labis na masasaktan ito sa nangyari, pero, ang tangi ni
