NAPAYUKO na nga lamang si Rich nang makita si Ricky. Hindi naman niya gustong makita ito, kaso, nagkataon lang na dadaan siya sa harapan ng CISA, at ang bahagya niyang ikinagulat ay may kasama itong babae. Nagmadali na lamang nga siyang lumakad palayo kaso, tinawag siya ng binata. Gusto nga niyang magkunwaring hindi iyon narinig kaso, nagsalita muli ito.
“Sorry sa nasabi ko sa iyo noong isang game namin…”
Okay na para sa kanya ang mag-sorry si Ricky. Masyado lang kasi siyang mapapel dito. Pinapangunahan niya ito na siya ay mahalaga para rito at iniisip niyang magugustuhan siya nito, kaso ang totoo, ramdam naman niyang hindi naman siya si Andrea. Doon nga ay napabuntong-hininga na lamang si Rich at nilingon nang nakangiti ang binata.
“Okay na. Salamat sa lahat. Goodluck to your
