MAAGANG iminulat ni Rommel ang kanyang mga mata nang umagang iyon. Araw ito ng Biyernes at mamayang alas-otso ay magaganap na ang kanilang huling regular game para sa CBL. Dapat ay manalo sila sa larong ito dahil kung hindi ay hindi sila mapapasama sa Final 4.
Bumangon kaagad siya at humarap sa salamin. Nagkamot muna siya ng ulo at pagkatapos ay humikab. Dito na nga siya napatingin sa kanyang phone na tumutunog pala dahil may tumatawag. Napakunot siya ng noo dahil tawag ito mula sa kuya niyang si Reynan. Ayaw niya sana itong sagutin, kaso, napindot na niya ang accept button sa kanyang phone.
Alas-singko pa lang iyon ng umaga at hindi niya maisip na tatawag ang kanyang kapatid nang ganitong oras. Baka raw maagang pinagising sa kampo, pero hindi rin siya sigurado.
“Hello,” wika n
