PAGKAGALING nila sa park ay dinala naman ni Bornok si Trixie sa isang masarap na kainan sa lugar nila. Kakaiba para sa dalaga ang lugar na ito sapagkat sa pagpasok nila sa tagusang bubog na pinto ay nakaramdam siya ng paglamig sa kanyang balat.
“B-bakit tila nagbago ang temperatura rito?” tanong kaagad ni Trixie na napatingin sa paligid. Nakakita siya ng mga lamesang may mga nakaupo at masayang kumakain. Naaamoy nga niya ang nilulutong pagkain sa loob ng kusina sa unahan at hindi niya maiwasang matakam.
“Okay lang iyan, umupo ka na doon,” sabi naman ni Bornok at may isang bakanteng mesa sa may tabi ng dingding ang nakita niya. Naglakad nga si Trixie doon at ang binata naman ay inilapag sa kabilang upuan ang kanyang dala.
“O-order lang ako,” sabi ni Bornok na tila kompyansang na
