NABIGLA na nga lang si Bornok nang biglang lumitaw si Trixie sa likuran niya. Kung kailan pa naman daw pomoporma na siya kay Emily na alam niyang papatulan na siya ay bigla na lamang nga itong nagsalita sa likuran nilang dalawa. Mas nabigla nga rin siya nang talakan niya ang kanyang kasama, gayong hindi naman totoo na mag-jowa sila.
“T-teka lang Trixie… Walang ginagawang masama si Emily,” sabi ni Bornok nang lapitan niya ang dalaga na masama ang tingin sa kanyang crush. Parang nahihiya na nga lang siya dahil ang ilang mga dumaraan ay sila ang pinagtitinginan. Heto nga si Trixie at nanggigigil pa rin sa kasama niyang si Emily na parang kinabahan dito.
“Anong walang ginagawa? Kasintahan kita tapos, mambababae ka?” bulalas ni Trixie at ang isang grupo ng mga estudyante ay napadaan sa
