DAY 9.
Isang normal na araw ito kay Bornok. Pumasok lang siya ng walong oras sa trabaho at tamang-tama at day-off naman niya bukas. Nang makita nga niya si Emily sa bodega nitong hapon ay hindi na niya ito pinansin. Naalala niya ang sinabi niya kahapon kay Trixie at tinanggap niyang kailangan muna niyang magtiis sa ganitong senaryo habang hindi pa tapos ang tungkulin niya rito.
Pagka-out nga niya sa trabaho ay diretso uwi na lang siya. Kahit nga tinatawag siya ni Jupert para raw maglakwatsa muna ay sinabi niyang may gagawin pa raw siya kahit wala naman talaga. Habang papauwi nga siya ay isang bagay lang ang iniisip niya.
“Magiging mortal ka Trixie… Ito ang unang goal na dapat kong magawa ngayon!”
Nang hapon ding iyon, habang naglalakad papauwi si Jupert ay napatingin siya s
