NAGISING na nga lamang si Saber nang makarinig siya ng mga tilaok ng manok mula sa labas ng bahay. Mabilis nga siyang tumayo mula sa malambot na kamang hinihigaan niya. Medyo nanibago nga siya dahil ngayon lang daw siya nakatulog nang maayos sa tanang buhay niya at sa ibabaw pa ng isang malambot na kutson. Naging presko sa pakiramdam niya ito, na ibang-iba mula sa kanyang mga nakasanayan.
Madilim pa rin nga sa loob ng bahay nang mga oras na iyon dahil tulog pa ang mga taong kasama niya. Alam naman niyang mamaya pa magigising ang mga ito dahil alam niya na hindi kaagad nakatulog ang mga ito dahil sa nangyari rito kagabi. Naging tahimik lang ang paglabas niya at mabilis nga siyang tumalon patungo sa bubong ng bahay ng pamilya Legazpi.
Wala ring naging ingay na nilikha ang mga paa niya sa p
