NABIGLA na nga lamang ang matandang pari na si Arnel Hernandez nang makarinig siya ng boses sa kanyang isip. Hindi raw siya maaaring magkamali, nagmula ito sa lalaking biglaan na lamang dumating dito sa likuran ng altar. Ngayon nga ay seryoso na itong nakatayo sa kanyang harapan at medyo nagulat pa siya nang makita niya ang mga mata nito.
“Isang bulag na binata,” wika ng pari na nasa edad sixty na.
“G-good morning po… K-kasama po namin siya.” Bigla namang wika ng isang babae na namumula ang pisngi dahil sa hiya. Bigla-bigla na nga rin lang kasi itong pumasok sa likuran at doon naman sila napatingin. Si Sandra ito, na mabilis na lumapit kay Saber na hindi naman gumagalaw sa kinatatayuan nito, sa harapan ni Father Hernandez.
“S-saber, a-ano ba’ng ginagawa mo rito? Tayo na sa labas…” mahin
