NAKABALIK na nga muli sina Father at Saber sa dimension ng mga mortal at sa paglitaw pa lang ng sasakyan nila rito ay mabilis na napaseryoso ang binatang bulag habang nasa loob ng sasakyan. Medyo dumidilim na rin nang oras na iyon dahil malapit nang mag-alas-sais ng hapon.
“S-saan ka pupunta Saber?” nagtatakang tanong ni Father Arnel dahil sa pagbukas ng binata sa pintuan ng pinto ng kanyang sasakyan nang ihinto niya ito pansamantala.
Paglabas ng binata ay doon na nga ito sumagot at tumanaw sa malayo. “Kailangan kong magmadali… Mukhang may kakaibang nangyari sa bayan,” seryosong winika ni Saber at napaseryoso ang pari nang marinig ito. Alam ni Father na may nararamdaman ang binata kaya nga sinabi niya rin dito na magmamadali na rin daw siyang magmaneho patungo sa Poblacion.
“Sige… Mag-i
