HAPON na nang araw na iyon at labasan na mula sa school si Sandra. Maghapon nga siyang inaasar nina Helen at Maricris dahil sa nangyari kahapon sa kanya. Ito ay nang makita siya ng isa sa kanyang kaibigan kahapon na may kasamang lalaki sa isang fastfood chain. Wala tuloy siyang magawa para tumanggi, pero siguro naman daw ay naniwala na rin sila sa mga paliwanag niya sa mga ito kanina. Kung pwede nga lang daw niyang sabihin na abnormal ang bulag na iyon, ay sinabi na raw niya… para lang huwag siyang asarin ng dalawa.
Kaso, isang sekreto iyon at nangako siya sa kanyang magulang na hindi niya ipagsasabi ang tungkol kay Saber kahit kanino. Kabayaran na rin ito sa ginawa nitong pagliligtas sa kanya at sa pamilya niya noong nakaraan… Isama pa ang pagligtas nito kahapon sa kanya na kung tutuusin
