KINABUKASAN, wala namang kakaibang nangyari sa bahay ng mga Legazpi. Nasa naman bayan buong maghapon ang nanay at tatay ni Sandra upang magbantay ng kanilang bigasan. Mas marami kasi ang namimili tuwing Linggo kaya kailangan ng additional labor force sa kanilang tindahan doon. Kadalasan nga ay ang dalaga ang kasama ng kanyang nanay, pero ngayon ay hindi muna ito sumama dahil may tatapusin daw itong assignments sa school.
Silang dalawa lang ni Saber ang naiwan sa bahay. Medyo kabado pa nga si Sandra hindi dahil, baka may gawing hindi maganda sa kanya ito… kundi dahil baka raw may kakaiba itong gawin dito kapag siya ay napalingat. Hindi nga niya maintindihan kung bakit hindi na lang daw sinama ng nanay at tatay niya ang binatang ito sa bayan.
“Hindi ba nila naisip na babae ako, cute na bab
