TAHIMIK ngang nakikiramdam si Saber sa paligid habang sakay siya sa loob ng isang sasakyan. Kasama na nga niya si Father Arnel na kasalukuyang nagmamaneho nito. Seryoso ang dalawa sa loob at kanina pang walang imikan sa byahe. Wala naman daw itatanong ang pari rito, at kung sakali mang may nais siyang malaman ay mas magandang ang mga Elders na lamang daw ang gumawa noon.
Nararamdaman na naman nga ni Saber na tila naglalaho ang mga presensya ng mga tao sa paligid. Ipinagtataka niya ito at ilang sandali pa ay biglang nagbago ang enerhiyang kumakalat mula sa kung saan-saan.
Napansin nga ni Father ang pag-react ng katawan ni Saber. Oo, wala itong emosyon, ngunit sa paggalaw nito ay alam niyang naramdaman nito ang pagbabago sa atmospera ng paligid.
“Pumasok na tayo sa Parallel World… Nasa ea
