NAGPAALAM na nga si Sandra na may pupuntahan sila ni Saber at medyo nagulat doon ang mag-asawang Kaloy at Evelyn. Pero sinabi rin naman ng binatang bulag na huwag daw silang mag-alala dahil walang mangyayaring hindi maganda hangga’t kasama raw siya ni Sandra.
Nang marinig nga ito ni Aling Evelyn ay napatingin naman siya kay Sandra na napapangiting ewan na lamang sa sinabi ni Saber na wala naman ngang emosyon kung pagmamasdan ito.
“Sige, ikaw na ang bahala kay Sandra… Mga anong oras ba kayo babalik, at saan ba kayo pupunta?” tanong ni Aling Evelyn habang si Mang Kaloy naman ay kasalukuyang nagsusuklay ng buhok.
Napapangiti na nga lang si Sandra at napatingin kay Saber. “Ano ang sasabihin ko? Ikaw? Saan ba kasi tayo pupunta? Kinakabahan tuloy ako,” sabi ng dalaga sa isip niya, sa isip ng
