SA ISANG tagong bahay sa tabing dagat, at nasa isang bahagi ng Batangas na nakaharap sa kabilang isla ng Mindoro, ay makikitang may isang private resort dito na may malaking bahay sa loob. Walang tao na nagbabantay rito at wala rin namang gaanong nagpupunta sa lugar na ito dahil sa malayo ito sa sentro ng lungsod.
Sa terasa ng bahay na iyon ay makikita ang tatlong matanda na kasalukuyang nakasando at nakashorts na pang-summer habang umiinom ng sabaw ng buko na kinuha nila sa ilang puno ng niyog sa lugar na iyon. Ito nga ang kuta ng Eternity pansamantala at makikita nga sa labas sina Isaac, Steven at si Dexter na kakarating lang na pa-relax-relax lang ng kanilang araw.
“Kung ganoon, nakita mo pala ang bulag na iyon?” wika nga ni Isaac na masayang lumalanghap ng sariwang hangin mula sa da
