SA PAGBABA ng heneral na si Mera mula sa kanyang sinasakyang kabayong may apoy na buntot ay siya namang pagbulusok ng isang bola ng apoy mula sa harapan niya. Mag-isa lamang siya nang sandaling iyon at napadaan lamang siya sa pamayanan ng Vascon para magpahinga sapagkat galing siya sa isang paglalakbay sa dulong bahagi ng kaharian. Nang mga oras na iyon ay hindi niya kasama ang kanyang ilang mga hukbo sapagkat hindi ito kailangan sa kanyang pupuntahan.
Ang mga Flammanian nga roon ay nagalak sa pagbaba ni Mera mula sa kabayo. Makikitang suot nito ang baluti na tanging heneral ng palasyo lamang ang may karapatang magsuot. Kulay pula iyon na hinaluan ng disenyong itim ang palibot. Makikita rin ang hugis apoy na mga gilid nito at sa tapat ng puso ng heneral ay naroon ang simbolo ng kaharia
