LUMITAW sina Mars at Venus sa gitna ng isang medyo may kalawakang lugar na napapalibutan ng mga hindi nabubulok na basura. Nakasuot sila ng lumang kasuotan ng taga-Elementalika nang sandaling iyon, ito ay tulad ng sa mga ninja gaya nga ng sinabi ni Mars noon. Asul ang kay Venus at pula ang sa binata.
Sa lugar na linitawan ng dalawa ay makikita ang napakaraming espada na nakabaon ang talim sa lupa. Ito ay ang Libingan ng mga Espada!
"W-wow! Ito na ba ang sinasabi mong lugar?" tanong ni Venus matapos makita ang mga espada sa paligid. Bakas nga sa dalaga ang pagkamangha.
"Ito na nga 'yon. Dito ko nakuha si Hikin," tugon naman ni Mars at halos isang araw pa lang ang nakakaraan magmula nang makaalis siya mula sa lugar na kinalalagyan nila.
"H-hikin?" tanong naman ni Venus.
"
