SA LOOB ng isang kweba sa kagubatan, makikita ang isang mabalahibong hayop na nasa anyo ng pagiging tao na tumatayo sa dalawang mga paa. Makikita ang malaki nitong pangangatawan at ang presensya ng pagiging isang hari. Nakaupo siya sa isang malaking bato at nakatayo naman nang maayos ang mga hayop na sumusunod sa kanya sa magkabilang tabi nito.
Makikita ang matalim na tingin nito at ang nakalabas na mga pangil. Ang mukha nito ay may makapal na balahibo na tila isang koronang iniikot doon.
“Wala pa ba sila?” tanong nito habang nakatingin sa isang malaking hayop na nasa anyo rin ng pagiging tila isang tao. Napakalaki nito at mas malaki nang hindi hamak sa nagtanong nilang hari.
“Wala pa sila mahal na hari. Hindi ko malaman kung bakit natatagalan ang grupo ng lobo at tigre na pina
