LUMIPAS ang mga araw sa Purif School at ang paghahanda para sa pagsisimula ng taunang Tagisan ay pinaghahandaan na. Sa araw na magsimula ito, bubuksan ang gate ng paaralan para sa mga manonood mula sa siyudad. Tinatayang libo-libong manonood ang ookupa sa koloseyo sa unang araw nito at ganoon din hanggang sa ito ay matapos.
Ang mga estudyante, kanya-kanya na rin ng paghahanda para sa mga booths na itatayo nila sa labas ng koloseyo. Si Madam Leonora ay nagsuhestyon na kaagad na magtatayo sila ng kainan. Ang kailangan na lang nila ay ang mga tatao rito at ang tutulong sa kanya sa pagluluto. Ilang araw na nga lang ang magiging paghahanda nila, kaya naman pagkatapos nilang kumain ng hapunan ay ipinatawag ng matanda ang lahat sa salas para sa isang pagpupulong.
“Kailangan ko ng magbobol
