NGINISIAN ko siya at pagkatapos noon ay sinugod ko siya nang napakabilis. Nagliyab ang kanang kamao ko at binigyan ko siya nang lumiliyab at napakalakas na suntok.
"P-para kay Venusss!"
Sinubukan niyang iwasan ang suntok ko pero nabasa ko nang hindi inaasahan ang kanyang gagawin. Tinamaan ko siya nang direkta sa kanyang katawan. Sumabog ang suntok kong iyon at tumagos sa katawan niya ang pwersa nito. Sumiklab ang puti kong apoy mula sa kanyang likod dahil sa lakas ng ginawa ko. Tumalsik din siya palayo pagkatapos noon at nagkasira-sira ang suot niyang balabal. Natanggal din ang talukbong niya sa ulo at nabitak ang kanang bahagi ng suot niyang maskara dahilan upang lumitaw ang kanang pisngi niya.
"Matibay nga talaga ang isang ito..." sabi ko nang makita kong tumayo uli siya. Nabalutan an
